Törek matbuğatına küzätü 02.08.2024

“Yenişafak” gazetı yazğança Törkiyä ilbaşı Räcäp Tayyip Ärdoğan Yuğarı xärbi şura cıyılışınnan alda Anıtkabergä bardı häm maxsus däftärgä bolay dip yazdı: “Töbägebezne qan där’yasına äyländerergä teläwçelärgä forsat birmäyäçäkbez, üz watandaşlarıbız belän bergä duslarıbıznıñ da qurqınıçsızlığı çığanağı bulırğa däwam itäçäkbez.”

“Star” basması beldergänçä Törkiyä ilbaşı Ärdoğan AQŞ däwlät başlığı Bayden belän telefonnan ütkärgän söyläşüdä Netan’yaxu citäkçelegeneñ utnı tuqtatu häm tınıçlıq telämäwen här adımı belän kürsätüen, AQŞ Wäkillär palatasındağı küreneşlärneñ Törkiyä häm bar dön’yanıñ xıyalların çelpärämä kiterüen, “Xamas” säyäsi byuro başlığı İsmail Xäniyyägä oyıştırılğan höcümneñ utnı tuqtatu tırışlıqlarına zıyan saluın häm İzrailneñ Ğazzädäge utnı bar töbäkkä cäyü öçen tırışuın assızıqladı.

“Hürriyet” gazetı xäbärenä kürä Milli küzläw oyışması Änkarada 7 ilneñ törmälärendä bulğan 26 totıq belän ike yaqlı bularaq almaşunı üz êçenä aluçı soñğı çornıñ iñ kiñ külämle äsir belän almaşu operaśiyasen çınğa aşırdı.

“Habertürk” basması citkergänçä AQŞ ilbaşı Djo Bayden belän däwlät särqätibe Blinken Milli küzläw oyışması citäklägän totıqlar belän almaşu operaśiyasendäge role öçen Törkiyägä räxmät belderde. Kreml’dan yasalğan belderüdä dä Milli küzläw oyışması çınğa aşırğan operaśiyagä yärdäm kürsätkän illärgä räxmät süze äytelde.

“Sabah” gazetı yazğança Törkiyäneñ Milli xatın-qız voleybol taqımı Parij 2024 Olimpiada uyınnarında Dominik cömhüriyäte komandasın 3-1 isäbe belän ciñde häm çirek finalğa çıqtı.