Törek matbuğatına küzätü 6.06.2023

“Sabah” gazetı ministr Gülärneñ süzläre belän “Soñğı terrorçı täêsirsez xälgä kiterelgänçe köräşne däwam itäçäkbez” dip yaza. Türkiyä milli saqlanu ministrı Yaşar Gülär kiçä yasağan belderüendä “Soñğı terrorçı täêsirsez xälgä kiterelgänçe ilebezneñ tınıçlığına häm qurqınıçsızlığına yanawçı törle terror oyşmalarına qarşı köräşne däwam itäçäkbez” dide.

“Hürriyet” gazetı ministr Fidannıñ “Miña kürsätelgän ışanıç öçen räxmät” digän süzlären uquçıları belän urtaqlaşa. Milli küzläw oyışması başlığı wazıyfasınnan tışqı êşlär ministrı itep bilgelängän Xakan Fidan kiçä wazıyfa tapşıru -  qabul itep alu  tantanasında yasağan çığışında milli tışqı säyäsatkä basım yasap, ”Miña ışanıç kürsätkän öçen sezgä bik zur räxmät” dide.

“Yeni Şafak” gazetı “İbrahim Kalın milli küzläw oyışması başlığı buldı” dip xäbär itä.

İlbaşı idaräseneñ êlemtä bülege milli küzläw oyışması başlığı itep İbrahim Kalınnıñ bilgelänüen citkerde. “İlbaşıbız Räcäp Tayyip Ärdoğan milli küzläw oyışması başlığı itep İbrahim Kalınnı bilgeläde” diyelä ilbaşı idaräseneñ êlemtä bülege belderüendä.

“Star” gazetı Paqıstan prem’yer- ministrınıñ “Türkiyä belän ber bädändä tipkän ike yöräk kebek bez” digän süzlären alğı planğa çığara.

Paqıstan prem’yer-ministrı Şahbaz Şärif Türkiyä häm Paqıstan arasındağı mönäsäbätlär turında “Bezneñ illär ber bädändä ber’yulı tipkän ike yöräk kebek” dide. Şärif äytüençä, Paqıstan häm Türkiyä yaqın kiläçäktä säwdäne arttıru häm bio-gaz, qoyaş ênergiyäse, gidroêlektr mäydannarına yünälep üzara üseş täêmin itü öçen xezmättäşlekne üsteräçäk.

“Haber Türk” gazetı “May inflyaśiyäse açıqlandı” dip yaza. May ayında yıllıq inflyaśiya 39,54% täşkil itte. Şulay itep 7 ay rättän yıllıq inflyäśiyädä kimü küzätelde.