Төрeк мaтбугaтынa күзәтү - Törek matbuğatına küzätü 01.06.2023
1нче июньдә бaсылып чыккaн кaйбeр төрeк гaзeтлaрынa күзәтү / 1nçe iyündä basılıp çıqqan qayber törek gazetlarına küzätü
“Star” gazetı: “Ärdoğan: “İlbaşı xökümät sisteması millättän ışanıç tawışın aldı”
İlbaşı Räcäp Tayyip Ärdoğan: “14nçe may häm 28nçe may saylaw näticäläreneñ berse dä - ilbaşı xökümät sistemasınıñ millättän ışanıç tawışın aluı,” – dip äytte.
“Sabah” gazetı: “Kreml’dan Ärdoğan belän Putin oçraşuına qağılışlı belderü”
Kreml’ süzçese Dmitriy Peskov İlbaşı Räcäp Tayyip Ärdoğan häm Rusiyä Däwlät başlığı Vladimir Putinnıñ soñğı telefon söyläşüe waqıtında yözgä-yöz oçraşu niyätläreneñ raslanuın äytte. Oçraşunıñ waqıtı häm urını turında älegä qararğa kilenmäwen belderüçe Peskov: "Mondıy ber kileşü bar. Bu oçraşunıñ äzerlegen yasawıbıznı äytä alam,” – dide.
“Xörriyät” gazetı: “Türkiyä iq’tisadı berençe çirektä köçle üseş aldı”
Türkiyä statistika oyışması bıyılnıñ berençe kvartalına qağılışlı Türkiyä êkonomikası üseş sannarın açıqladı. Türkiyä berençe çirektä 4% üseşne tormışqa aşırdı.
“Watan” gazetı: “İstanbul aêroportınnan 205 millionnan kübräk yulçı säyäxät itte”
Transport häm asqorma ministrı Adil Qaraismailoğlu 2018nçe yılnıñ 29nçı üktäbr’ könne açılğan İstanbul hawa mäydanında bügengä qadär 1 million 417 meñ oçış başqarıluın häm 205 millionnan kübräk yulçınıñ säyäxät itüen belderde.
“Xäbär Türk” gazetı: “Bodrumğa ike kruiz qorabı belän 1 meñ 982 turist kilde”
Muğlanıñ Bodrum ilçäsenä (rayonına) kilep tuqtağan ike kruiz köymäse belän 1 meñ 982 turist kilde. Turistlardan qayberäwläre diñgezgä kerde, qayberäwläre isä säwdä üzäklärenä barp alış-bireş yasadı.
