Törek matbuğatına küzätü 26.05. 2023
Qayber törek basmalarına küzätü
“Yenişafak” gazetı yazğança TUSAŞ Törek aviaŝiyase häm Ğaläm sänägäte Malayziyagä yaqınça 100 million dollarlık 3 ANKA keşesez hawa apparatın êksportlayaçaq.
“Sabah” basması beldergänçä Türkiyäneñ Ênergetika häm tabiğıy çığanaqlar ministrı Fatix Dönmez yañartıla alına torğan ênergiya belän bäyle bularaq bolay dide: “Awrupada 5nçe, dön’yada 12nçe urında bez. Xäzerge waqıtta qorılğan köçebezneñ 55%ı yañartıla alına torğan ênergiya çığanaqlarınnan täêmin itelä.”
“Star” gazetı xäbärenä kürä İrannıñ Milli tabiğıy gaz şirkäte ğomum mödire Mecid Çegeni İran Awrupağa tabiğıy gaz êksportlağan oçraqta monı Türkiyä aşa çınğa aşıraçaqların açıqladı.
“Hürriyet” basması citkergänçä Mädäniyät häm turizm ministrlığı açıqlawına kürä Xalıqara Zäñgär bayraq jyurise tarafınnan 2023nçe yılnıñ “Zäñgär bayraq” büläkläre açıqlandı. Moña kürä bıyıl Türkiyädäge 551 plyajda, 23 marinada, 14 turizm köymäsendä häm 10 şäxsi yaxtada “Zäñgär bayraq” cilferdäyäçäk.
“Habertürk” gazetı yazğança Türkiyädän ğıynwar-aprel’ aylarında başqarılğan bal êksportı 13 million 468 meñ dollarğa kütärelde.
