Törek matbuğatına küzätü 16.05.2023

Qayber törek basmalarına küzätü

1986910
Törek matbuğatına küzätü 16.05.2023

“Sabah” gazetı yazğança Yuğarı saylaw şurası başlığı Äxmät Yener Türkiyädä yäkşämbe könne ütkärelgän ilbaşı saylawında namzätlär citärle tawış cıya almağanı öçen 28 may yäkşämbe könne saylawnıñ ikençe turınıñ uzaçağına qarar birelüen açıqladı.

“Star” basması beldergänçä Türkiyädäge Däwlät başlığı häm Parlament saylawları Awrupa matbuğatında kiñ yañğıraş taptı. Saylaw xäbärlären uquçılarına citkergän Awrupadağı küp sandağı media oyışması häm basmalar 85%tan artqan qatnaşu külämenä işarät itep, watandaşlarnıñ saylawğa kürsätkän ähämiyätenä iğtibarnı cälep itte.

“Vatan” gazetı xäbärenä kürä İlbaşı häm 28nçe çaqırılış xalıq ışanıçlıları saylawınıñ berençe turı azağına yaqınlaşqanda AQŞta saylawlar belän bäyle açıqlaw yasaldı. Däwlät başlığı Djo Bayden citäkçelege beldergänçä Bayden kem ciñsä dä, bergä êşläwne zarığıp kötä.

“Haber Türk” basması citkergänçä Kreml’ süzçese Dmitriy Peskov Rusiyä belän Türkiyä arasında şaqtıy ölkädä başqarıluçı xezmättäşlek arqasında Türkiyädäge saylawlarnı küzätep baruların äytep bolay dide: “Törek xalqınıñ saylawına xörmät kürsätäbez. Läkin här oçraqta xezmättäşlegebezneñ däwam itüen, nığuın häm kiñäyüen kötäbez.”

“Hürriyet” gazetı yazğança Awrupa Berlege Komissiyase başlığı Ursula fon der Lyayen saylaw belän bäyle açıqlaw yasap: “Saylawlardağı qatnaşu külämeneñ yaxşı xäbär buluın uylıym,” – dide. Lyayen belän bergä matbuğat oçraşuı oyıştırğan Awrupa Berlege şurası başlığı Şarl’ Mişel’ isä tübändägeçä citkerde: “Näticäne yaqınnan küzätep baraçaqbız.”



Bäyläneşle xäbärlär