Törek matbuğatına küzätü 15.05.2023
15 nçe may könne basılıp çıqqan qayber törek gazetlarına küzätü
“Star” gazetı “Türkiyädä saylawlar uzdı” dip yaza. 14 nçe mayda uzğan ilbaşı häm 28 nçe çaqırılış xalıq ışanıçlıları ğomum saylawında tawış birü tögällängännän soñ saylaw ärcäläreneñ barısı da diyärlek açıldı. Räsmi bulmağan näticälärgä qarağanda, ilbaşı Räcäp Tayyip Ärdoğan 49,35%, Kämal Kılıçdaroğlu 45%, Sinan Oğan 5,22% tawış cıydı.
“Yeni Şafak” gazetı “Cumhur ittifağı” ciñde” isemle xäbärendä citkergänçä, räsmi bulmağan näticälärgä kürä, 14 nçe maydağı parlament saylawında “Cumhur ittifağı” 49,35% tawş cıyıp tarixi uñışqa ireşte. İttifaq 600 urınlı parlamentqa 322 deputat cibäräçäk. “Millät ittifağı” nıñ xalıq ışanıçlısı sanı isä – 212.
“Sabah” gazetı “Ciñü - Cumhur ittifağı”nıñ “ isemle yazmasında citkergänçä, 14 nçe mayda uzğan ğomum saylawdan soñ byulleten’när küpçelek däräcädä êşkärtelde. “Cumhur ittifağı”nıñ ilbaşı namzäte Räcäp Tayyip Ärdoğan berläşkän oppoziśiya namzäte Kämal Kılıçdaroğlun yaqınça 5%qa uzıp kitte. “Cumhur ittifağı” parlamentta küpçelekne yawladı. Bu näticälärdän soñ “Ğadälät häm üseş” partiyäse häm “Cumhur ittifağı” saylawçıları uramnarda ciñüne qotladı.
“Haber Türk” gazetı Ärdoğannıñ süzläre belän “Tawış birgän watandaşlarıma räxmät äytäm” dip xäbär itä. İlbaşı, “Ğadellek häm üseş” partiyäse ğomum başlığı Räcäp Tayyip Ärdoğan 14 nçe maydağı saylawnıñ uñışlı tämamlanuın äytte. Ul saylawnıñ tögäl näticäläre älegä bilgele bulmasa da, alda barularun belderep, il häm üz kiläçäge öçen saylawda qatnaşqan barlıq watandaşlarğa räxmät äytte.
“Vatan gazetı “Äliyev Ärdoğannı täbrik itte” dip yaza. Azärbaycan ilbaşı İlham Äliyev Türkiyä ilbaşı Räcäp Tayyip Ärdoğanğa telefonnan şaltıratıp saylawlarda tawışlarnıñ küpçelegen aluı nisbätennän anı täbrik itte. Äliyev Ärdoğan citäkçelegendäge Türkiyäneñ zur üseşkä ireşüen häm monıñ çağılışı bularaq törek xalqınıñ bu saylawlarda da Ärdoğanğa ışanıç kürsätüen äytte. Ärdoğan iğ’tibarı häm täbrikläre öçen Äliyevqa räxmät belderde.
