Törek matbuğatına küzätü 30.03.2023

Qayber törek basmalarına küzätü

1967239
Törek matbuğatına küzätü 30.03.2023

“Haber Türk” gazetı yazğança Törkiyä ilbaşı Räcäp Tayyip Ärdoğan Şveŝiyaneñ NATO äğzalege belän bäyle bularaq: “Kötkännärebez bar, cirenä citkerelmiçä mömkin tügel,” – dide. Türkiyä 28 iyun’ könne İspaniya başqalası Madridtağı NATO oçraşuında äğzalek möräcäğate yasağan Finlyandiya häm Şveŝiyane veto itä. Terror oyışmaların ap-açıq räweştä xuplawçı ike il belän protokol imzalağan Änkara citäkçelege birelgän süzlärneñ ütälüen kötä.

“Vatan” basması beldergänçä Törkiyä ilbaşı Räcäp Tayyip Ärdoğan Trans Anadolu tabiğıy gaz ütkärgeçe TANAP aşa Vengriyagä tabiğıy gaz birü mäs’äläsendä Azärbaycan belän bergä hartörle yärdämne kürsätergä äzer buluların belderde.

“Star” gazetı xäbärenä kürä 2023 yılda 20 meñ keşegä Türkiyäneñ avtomobile Toggnıñ T10X modele tapşırılaçaq. Togg şulay uq Germaniya matbuğatında kiñ yañğıraş taptı. “FAZ” basması “Törek Teslası bulğan "Togg”ka taläp zur” dip yazdı.

“Sabah” gazetı citkergänçä Ğasır fäläkätendä cimerelgän yäisä awır zıyan kürgän öylär zur tizlek belän qabat tözelä. Gaziantepneñ Nurdağı rayonına bäyle 7 awılda Tirä-yaq moxit, şähär tözeleşe häm klimat üzgäreşe ministrlığı koordinaŝiyasendä tözelgän öylärneñ tämamlanuına sanawlı könnär qaldı.

“Yeni Şafak” basması yazğança Türkiyä häm Ğıyraq arasında uzğan atnada imzalanğan Änkara Deklaraŝiyase belän terkälgän Üseş yulı dön’ya säwdä yulında yaña al’ternativa bulaçaq. Yaña yünäleş Hind okeanınnan diñgez aşa Farsı qultığına kilüçe tovarlarnı Türkiyä aşa Urta diñgezgä ireşteräçäk.



Bäyläneşle xäbärlär