Төрeк мaтбугaтынa күзәтү - Törek matbuğatına küzätü 11.01.2023
11нче гыйнварда бaсылып чыккaн кaйбeр төрeк гaзeтлaрынa күзәтү / 11nçe ğinwarda basılıp çıqqan qayber törek gazetlarına küzätü
“Yäni Şafak” gazetı: "Çavuşoğlu: “Bez suğışnıñ söyläşülär östälendä betäçägenä ışanabız”"
Tışqı êşlär ministrı Mäwlüt Çavuşoğlu, Rusiyä belän Ukraina arasında däwam itüçe suğış belän bäyle bularaq: "Bez suğışnıñ söyläşülär östälendä betäçägenä ışanabız,” – dide.
“Sabah” gazetı: "Akardan Süriyä belderüe"
Milli saqlanu ministrı Hulusi Akar, Türkiyä häm Süriyä arasındağı söyläşülärneñ 11 yıldan soñ tulısınça yaxşı niyät belän ike il arasındağı mönäsäbätlär häm töbäk tınıçlığı öçen başlawın belderep: "Bu ber barış, prośess. Telägebez – ike yaqlı söyläşülär yulı belän üseş alır häm töbäk tınıçlığına, totrıqlılığına öleş kertäçäk torışqa äyläner,” – dip äytte.
“Star” gazetı: "Niderland tikşerenüçesennän Könbatışqa reakśiya: “Türkiyä baş qatırğıçığız küzegezne suqıraytqan"
Könbatış illäreneñ “PKK/YPG” terror oyışması belän bäyle bularaq Türkiyäneñ kisätülärenä iğ’tibar itmäwen tänqıytläwçe Niderland tikşerenüçese Rena Netjes: “Türkiyägä qağılışlı baş qatırğıçları arqasında “YPG/PKK” terror oyışmasınıñ qaranğı yözen kürmilär,” – dip äytte.
“Xörriyät” gazetı: "Alman matbuğatınnan gacäyıp Türkiyä analizı... Qıtaydan milli oçqıçqa maqtaw"
Türkiyädä êşläp çığarılıp, dönyanıñ şaqtıy ilenä êksportı yasalğan qorallar Germaniya matbuğatınıñ kön tärtibendä. “Die Welt” gazetı Türkiyäneñ köçäygän saqlanu sänäğäte belän bäyle bularaq iğ’tibarnı cälep itüçe analizın bastırdı. Qıtaynıñ äydäp baruçı gazetlarınnan “People's Daily” isä, Türkiyäneñ tiz üsep kilüçe hawa köçen maqtap: “Türkiyäneñ milli oçqıçı oxşaşlarınnan küpkä östen”, - dip añlatma yasadı.
“Watan” gazetı: "Törek êşmäkärläre Vegasta"
Dön’yanıñ iñ zur könküreş êlektronikası yärminkäse “CES 2023” törek êşquarlarınıñ innovaśion êşlänmälären qabul itte. Amerika Quşma Ştatlarınıñ Las Vegas qalasında oyıştırılğan yärminkädä törek êşmäkärläre iğ’tibar üzägendä buldı.
