Төрeк мaтбугaтынa күзәтү - Törek matbuğatına küzätü 18.11.2022

“Xörriyät” gazetı: “Ärdoğan: “İndoneziyada zur täq’dir kürdek””

İlbaşı Räcäp Tayyip Ärdoğan İndoneziyadağı G20 sammitında qatnaşqan utırışlarda ênergetika häm sälamätlek saqlaw başçalarında Türkiyä bularaq yasağan adımnarnıñ täq’dir cıyuın äytte. Ärdoğan: “Rusiyä-Ukraina arasındağı äsir belän almaşı häm aşlıq koridorı kereşüebezneñ dönya liderları tarafınnan qanäğätlelek belän qarşılanuına da şahit buldıq”, - dide.

“Xäbär Türk” gazetı: “Qara diñgez aşlıq kileşüe tağın 120 köngä ozaytıldı”

İlbaşı Ärdoğan: “Qara diñgez aşlıq koridorı kileşüe 2022nçe yılnıñ 19nçı noyabrennän 120 köngä ozaytıldı”, - dip belderde. Tışqı êşlär ministrı Mäwlüt Çavuşoğlu da kileşüneñ ozaytıluı belän bäyle bularaq: “İstanbul ömetneñ märkäze bulırğa däwam itä”, - dip äytte.

“Star” gazetı: “Türkiyä Şveśiya belän Finlyandiyadan birgän süzlären ütäwlären kötä”

Milli saqlanu ministrı Hulusi Akar NATOğa äğ’za bulu öçen möräcäğät itkän Finlyandiya belän Şveśiyadan Türkiyäneñ iminlek borçıluların añlawların häm Madridta qabul itkän adımnarnı yasawların kötülären belderde. Akar Şveśiya Baş ministrı häm tışqı êşlär ministrınıñ “YPG-PYD”neñ “PKK” belän organik, iyerarxik häm finans yaqtan bäyläneşle buluı turındağı açıqlawlardan qanäğät buluın, oxşaş açıqlawnı Finlyandiya xökümätennän dä kötülären iskärtep uzdı.

“Sabah” gazetı: “İstanbul Awrupalı köndäşlären artta qaldırdı”

Pandemiyadan soñ êşçänlegen başlatıp yıl axırı maqsatın 50 million turist, 44 milliard dollar kerem bularaq üzgärtkän Türkiyä turizm tarmağı kongress turizmında da üseşen kütärde. 2021nçe yılda Amsterdam, Rim, Stokgol’m kebek Awrupalı köndäşlären artta qaldıra alğan İstanbul kongress turizmında dönyada 12nçe urınğa urnaşa aldı. Bıyıl 42 xalıqara kongressnı qabul itkän İstanbulnıñ 1-2 yılda qabat berençe unlıqqa kerüne maqsat itä.

“Yäni Şafak” gazetı: “İstanbul-Sofiya êkspressı - 2023nçe yılnıñ iñ yaxşı säyäxät marşrutları arasında”

Bastırğan 150 millionnan kübräk säyäxät beleşmäse basmalarınıñ dönya liderlarınnan berse bulğan “Lonely Planet” şirkäte 2023nçe yılda yasala alınaçaq iñ yaxşı säyäxätlärneñ isemlegen äzerläde. Şirkät ber yıllıq iñ yaxşılar isemlegendäge 30 turistik urınnı “säyäxät, aşaw-êçü, öyränü, yal itü häm iyäläşü” bularaq 5 kategoriyädä bäyäläde. Şirkät iñ yaxşı säyäxätlär arasında İstanbul-Sofiya êkspressın da kürsätte.