Төрeк мaтбугaтынa күзәтү - Törek matbuğatına küzätü 06.10.2022
6нчы октябрьдә бaсылып чыккaн кaйбeр төрeк гaзeтлaрынa күзәтү / 6nçı üktäbrdä basılıp çıqqan qayber törek gazetlarına küzätü
“Yäni Şafak” gazetı: "Ärdoğan: “İq’tisadi üseştä dönyada berençe urınnarda torabız”"
İlbaşı Räcäp Tayyip Ärdoğan “Ğadälät häm qalqınu” partiyasınıñ parlamenttağı cıyılışında: "Kizü buldı, citeşterüne tuqtatıp tormadıq. Üseşne däwam itterdek. Dön’yada berençe urınnarda tordıq. Şaqtıy urında reśessiya, azayu bäxäsläre yäşängän çaqta xalıqara oyışmalar ilebez belän bäyle üseş farazların kütärä ide”, - dip äytte.
“Star” "Atom-töş ğamällärendä qullanılaçaq"
Türkiyä cirle bor karbidın atom çaralarında qullanırğa äzerlänä. Ênergetika häm tabiğıy çığanaqlar ministrı Fatih Dönmäz bor karbidı qorılmasınıñ 2022nçe yıl axırında êşli başlayaçağın belderde.
“Xäbär Türk” gazetı: "İgençelek tarmağı 9 aylıq iñ yuğarı êksport rekordın quydı"
İgençelek tarmağı, 9 aylıq tışqı satunı 24 milliard yarım dollarğa citkerep, tarixınıñ ğıynwar’-sentyabr’ çorınıñ êksport rekordın quydı. Türkiyäneñ igençelek êksportı yılnıñ tuğız ayında uzğan yılnıñ şuşı uq çorına qarağanda 18,6%qa arttı.
“Xörriyät” gazetı: "İstanbul aêroportı – “dönyanıñ iñ yaxşı hawa mäydanı” bulıp saylandı"
Dön’yanıñ tanılğan säyäxät jurnallarınnan berse bulğan “Condé Nast Traveler” jurnalı äzerlägän anketada İstanbul hawa mäydanı, Singapurnı häm Kön’yaq Koreyanı uzıp, “dönyanıñ iñ yaxşı aêroportı” bulıp saylandı.
“Sabah” gazetı: " Kapadokiyada 508 meñ turist töbäkne kük yözennän qaradı"
Tarixi, tabiğıy, mädäni baylıqları häm törle tur çaraları belän Türkiyäneñ tanılğan turizm üzäklärennän Kapadokiyada yılnıñ 9 aylıq çorında 508 meñ 181 turist hawa şarı turlarında qatnaştı.
