Törek matbuğatına küzätü 05.10.2022
Qayber törek basmalarına küzätü
“Watan” gazetı yazğança Türkiyä ilbaşı Räcäp Tayyip Ärdoğan ilen Amerika bazaları belän tutırğan Greŝiya xökümätenä reakŝiya kürsätte. Ärdoğan: “Greŝiya prem’yerı çıqqan, AQŞtan yärdäm sorıy. Närsä êşläsäñ dä, bez kiräk bulğannı härwaqıt êşläyäçäkbez, êşlärgä äzer,” – dide.
“Star” basması beldergänçä Türkiyä Könçığış Ägäy utrawlarınıñ xärbi bulmağan statusı belän bäyle bularaq Berläşkän Millätlär Oyışmasına täqdim itkän xat belän nigezsez grek tezisların köçle xoquqıy argumentlar belän yuqqa çığardı. Xatta bolay diyelä: “Greŝiya üzeneñ qoralsızlanu yöklämälären kimetä. Bu xalıqara tınıçlıqqa yanıy. Türkiyä Greŝiyaneñ argumentların, nigezsez däğwa häm säyäsi ritorikaların kire qağa.”
“Xörriyät” gazetı citkergänçä Tışqı êşlär ministrlığı süzçese Tanju Bilgiç Türkiyä häm Liviya arasında uglevodorod ölkäsendä imzalanğan kileşü xaqında Awrupa Berlege häm Greŝiyadan yasalğan açıqlawlarğa tübändägeçä cawap birde: “Kileşü berketmäse xaqında Greŝiya häm Awrupa Berlege süzçese tarafınnan yasalğan açıqlawlarnıñ ilebez öçen bernindi ähämiyäte yuq.”
“Yeni Şafak” basması xäbärenä kürä Türkiyäneñ cirle häm milli qorallı keşesez hawa aparatların maqtap här kön söylilär. Amerikada basıluçı “Forbes” jurnalı Türkiyäneñ saqlanu sänägätendäge adımnarın analizladı. Forbes analitigı Ämir Xösäyen “Türkiyä giper suğış säläte bulğan armiya qora” isemle analiz yazdı.
“Xäbär türk” gazetı yazğança Qazna häm finans ministrı Nureddin Nebati Türkiyä İqtisad modeleneñ bar dön’yağa ürnäk bulaçağın äytte. “Üsäçäkbez, êşliyäçäkbez, citeşteräçäkbez, êş belän täêmin itäçäkbez,” – digän ministr 21nçe ğasırnıñ Türkiyä ğasırı bulaçağın assızıqladı.
