Törek matbuğatına küzätü 30.09.2022
Qayber törek basmalarına küzätü
“Watan” gazetı yazğança Türkiye ilbaşı Räcäp Tayyip Ärdoğan kiçä Rusiyä däwlät başlığı Vladimir Putin belän telefonnan söyläşte. Söyläşüdä Ärdoğan Putinğa söyläşülär öçen tağın ber şans birüen soradı.
“Sabah” basması beldergänçä Türkiyäneñ tışqı êşlär ministrı Mäwlüt Çavuşoğlu Greŝiyaneñ provokaŝiyaläre belän bäyle açıqlaw yasadı. Ministr Çavuşoğlu: “Greŝiya utrawları qorallanğan waqıtta bez dä kiräkle adımnar yasayaçaqbız,” – dide.
“Xäbär türk” gazetı xäbärenbä kürä Milli saqlanu ministrı Xulusi Akar kiçä açıqlaw yasap: “Törek qorallı köçläre 27 sentäbr’ könne êçkä taba 140 çaqrımğa kerde, Ğıyraqnıñ tön’yağındağı Asosta 16 terrorçı mäğaräsen, sıyınu urının, güya citäkçelek punktın yuqqa çığardı,” – dide.
“Xörriyät” basması citkergänçä Ukraina däwlät başlığı Vladimir Zelenskiy kiçä Türkiye ilbaşı Räcäp Tayyip Ärdoğan belän oyıştırğan telefon söyläşüennän soñ yasağan açıqlawında Ukrainanıñ regional’ bötenlegenä häm möstäqıyl’legenä kürsätkän xuplawı öçen ilbaşı Ärdoğanğa räxmät belderde.
“Star” gazetı yazğança Albaniya prem’yer-ministrı Edi Rama ile Törkiyädän satıp alu öçen kileşkän Bayraktar qorallı keşesez hawa apparatlarınıñ ozaqlamıy xezmätkä keräçägen açıqladı.
