Törek matbuğatına küzätü 27.09.2022
27 nçe sentyabr' könne basılıp çıqqan qayber törek gazetlarna küzätü
“Haber Türk” basması Türkiye ilbaşı Räcäp Tayyip Ärdoğannıñ “Greśiya bezneñ belän ber däräcädä tügel” digän süzlären alğı planğa çığara. İlbaşı kiçä kabinet cıyılışınnan soñ yasağan belderüendä “Afina citäkçelege provokaśiyäne tuqtatırğa tiyeş. Greśiya bezneñ belän ber däräcädä tügel. Greśiya citäkçeläre monıñ öçen cawap biräçäk” dide.
“Hürriyet” gazetı yazğança, Türkiye milli saqlanu ministrı Hulusi Akar terrorğa qarşı köräşneñ uñışlı däwam itüenä basım yasap, 2015 nçe yılnıñ 24 nçe iyülennän birle 36 meñ 143 terrorçınıñ täêsirsez xälgä kiterelüen belderde.
“Yeni Şafak” gazetı Türkiye tışqı êşlär ministrı Mävlüt Çavuşoğlunıñ “Bezneñ maqsat – Putin belän Zelenskiynı bergä oçraştıru” digän süzlären uquçıları belän urtaqlaşa. Çavuşoğlu kiçä Yaponiyädä yasağan belderüendä “Türkiye ilbaşı Ärdoğan Vladimir Putin häm Vladimir Zelenskiy belän êlemtälären däwam itäçäk. Bezneñ maqsat - ike lidernı bergä oçraştıru häm qararlarnıñ liderlar däräcäsendä qabul itelüen täêmin itü” dide.
”Sabah” gazetı citkergänçä, İq’tisadi üseş häm xezmättäşlek oyışması OECD bıyıl Türkiye öçen üseş farazın 3,7%tan 5,4%qa kütärde.
”Star” basması “Töreklär tağın da sıyfatlısına iyä” dip yaza. Kön’yaq Afrika Cömhüriyäte ğomum ştab başlığı general Rudzani Mafvana Türkiye belän xezmättäşlekne tüzemsezlek belän kötülären belderep,” Bez Türkiye saqlanu sänäğäteneñ mömkinleklären beläbez. Türkiye saqlanu sänäğäte iñ yaxşı sıyfatlı platformalarğa iyä” dide.
