Törek matbuğatına küzätü 6.09.2022
6 nçı sentyabr' könne basılıp çıqqan qayber törek gazetlarına küzätü
”Vatan” gazetı Türkiye ilbaşı Räcäp Tayyip Ärdoğannıñ “Greśiya bezneñ äñgämädäşebez tügel” digän süzlären alğı planğa çığara. Ul Greśiyäneñ Türkiye oçqıçların êzärlekläwgä reakśiya belderde. “Greśiya bezneñ äñgämädäşebez tügel, çönki bez säyäsi, iq’tisadi häm xärbi yaqtan tigez tügel” dide ilbaşı.
”Sabah” basması yazğança, Greśiya tarafınnan 1985 nçe yılda qaçaqlar öçen tözelgän Lavrion lagerı terrorçılar öçen sıyınu urını buldı. Lager’da küp terrorçı oyışmalarğa, şul isäptän “PKK”ga, künegülär birelä. Lager’da 6 ay öyrätkännän soñ terror oyışması äğ’zalarına Greśiya pasportı birelä häm alar Ğıyraqqa cibärelä.
”Yeni Şafak” gazetı citkergänçä, Türkiye tışqı êşlär ministrı Mävlüt Çavuşoğlu başqala Änkarada Franśiya tışqı êşlär ministrı Katrin Kolonna belän urtaq matbuğat oçraşuı ütkärde. Ul biredä yasağan çığışında Awrupada rasaçılıq häm İslamofobiyanıñ köçäyüen iskärtep,” Bez Franśiyädäge töreklär häm möselmannarnıñ mäçetläre häm cämğıyät’läreneñ qurqınıçsızlığı öçen kiräkle çaralar küreler dip kötäbez” dide.
”Star” basması dön’ya Türkiyedä şifa êzli dip yaza. Türkiye sälamätlek turizmında möhim üzäk bulıp tora. Mädäniyät häm turizm ministrı Mäxmät Nuri Ärsoy äytüençä, ağımdağı yılnıñ berençe 6 ayında däwalanu maqsatı belän Türkiyegä kilgän keşe sanı 586 meñ 754 bulğan.
”Hürriyet” gazetı Türkiye turizmı qışqa äzerlänä dip xäbär itä. Rusiya tabiği gaznı tulısınça özgändä Awrupada layıqlı yaldağı 150 million keşe qışnı niçek uzdıraçaqları turında uylıy. Turkiyedäge turizm şirkätläre soñğı 3 yıldağı iñ aktiv qışqı turizmğa äzerlänä. Awrupalılarnıñ Türkiyedä qışqı yal bron’narında zur artış buluı kötelä.
