Törek matbuğatına küzätü 2.09.2022

2 nçe sentyabr' könne basılıp çıqqan qayber törek gazetlarına küzätü

1875046
Törek matbuğatına küzätü 2.09.2022

 

”Haber Türk” gazetı Türkiye ilbaşı Räcäp Tayyip Ärdoğannıñ “Awrupa Keşe xoquqları mäxkämäse ğadel tügel” digän süzlären alğı planğa çığara. İlbaşı Awrupa Keşe xoquqları mäxkämäsenä kisken reakśiya belderde. “Mäxkäma qararlarında ğadel tügel, ul säyäsi. Türkiyegä kilgändä ul säyäsi qarar qabul itä, läkin Franśiya häm Germaniyägä kilgändä, qızğanıç, anda kiresençä qararlar qabul itä” dide.

”Vatan” basması yazğança, ilbaşı Ärdoğan dön’ya awır çor kiçergän waqıtta zur häm köçle Türkiye tözergä äzer buluların äytte. “Bezdä mäğariftän sälamätlek saqlawğa, sänäğät’tän awıl xucalığına qadär kiräk bulğan barlıq qorallar bar. Bez mönäsäbätlärebez, xärbi köçebez belän dön’yanıñ här poçmağında üzebezne qabul itteräbez” dide ul.

 “Yeni Şafak” gazetı citkergänçä, Türkiye ilbaşı idaräseneñ êlemtä bülege başlığı Fäxrettin Altun Awrupa Berlegenä äğ’zalıqnıñ Türkiyegä faydaları bulğan kebek Awrupa Berlegenä dä faydaları bulaçağın äytte. Fäxrettin Altun global’ täräqqiyät’lärneñ Türkiye häm Awrupa Berlegen ber-bersenä yaqınaytuın belderep, “Bu tempta Türkiyeneñ Berlekkä äğ’za bulu söyläşüläreneñ qabat tizlänüe bezne ğacäpkä qaldırmayaçaq” dide.

”Hürriyet” gazetı yañartıla torğan ênergiyädä rekord quyıldı dip xäbär itä. İyül’ ayında Türkiyedä 28 milliard 491 million kilovatt-säğat’ êlektr ênergiyäse citeşterelde. İyül’ ayında Türkiyedä qoyaştan häm cildän êşlängän êlektrda rekord quyıldı.  

 “Yeni Şafak” basması citkergänçä, Rumıniya Türkiyedän suğış qırlarında legendağa äwerelgän Bayraktar TB2 qorallı keşesez hawa apparatı satıp alırğa teli. Ägär Rumıniya parlamentı raslasa 18 keşesez hawa apparatın satıp alu öçen Türkiye şirkäte belän söyläşülärgä kereşü mömkin bulaçaq.



Bäyläneşle xäbärlär