Törek matbuğatına küzätü 12.08.2022

12nçe avgust könne çıqqan qayber törek gazetlarına küzätü

1866983
Törek matbuğatına küzätü 12.08.2022

Haber Türk” gazetı Ärdoğannıñ Bäştäpä kongress häm mädäniyät üzägendä çığış yasawı turında yaza.

Törkiyä ilbaşı Räcäp Tayyip Ärdoğan üzeneñ çığışında: “Törkiyäneñ êlektr citeşterü mömkinlegenä yıl sayın 1,9 milliard kilovatt-säğat’kä yaqın öleş kertäçäk iñ biyek böyäbez Yusufäli tögällänü êtabına kerde,”-dide.

“Star” gazetı Gvatemala ministrınıñ Törkiyä turındağı belderüen citkerä.

Gvatemala tışqı êşlär ministrı Flores Törkiyäneñ Rusiyä-Ukraina suğışındağı rolenä nisbätle: “Törek diplomatiyäseneñ mondağı rolenä xäyran qaldım. Bik ähämiyätle kileşü täêmin ittelär häm dön’yağa ömet birdelär,”-dide.

“Hürriyet” gazetı ministr Dönmäzneñ tabiğıy gaz turındağı belderüenä urın birä.

Törkiyä ênergetika häm tabiğıy çığanaqlaq ministrı Fatix Dönmäz kiçä Qara diñgez gazı belän bäyle belderüendä: “Mart ayında üz gazıbıznı qullanu ixtimalı bar,”-dide.

“Vatan” gazetı İstanbul aêroportı turındağı belderüne urnaştıra.

Törkiyä transport häm asqorma ministrı Adil Karaismailoğlu İstanbul aêroportınıñ Awrupa aêroportların artqa qaldırıp berençelekne här kön tağın da nığaytuın belderde. “İstanbul aêroportı şikelle mega-investiśiyälärebez häm başqa çaralar näticäsendä bagaj, xäräkät häm oçışlarda özeklek bulmıy,”-dide ul.  

“Sabah” gazetı yazğança, Törek hawa yulları iyül’ ayında 7,8 million yulçı taşıdı.

Şirkätneñ yulçı tulılıq däräcäse iyül’ çorında 86,1% buldı.



Bäyläneşle xäbärlär