Törek matbuğatına küzӓtü 10.08.2022

Qayber törek basmalarına küzätü

1866502
Törek matbuğatına küzӓtü 10.08.2022

“Xörriyӓt” gazetı yazpança Törkiyä ilbaşı Räcäp Tayyip Ärdoğan Sloveniya dӓwlӓt başlığı Borut Paxor belӓn urtaq matbuğat oçraşuında saqlanu sӓnӓgӓtendӓ hӓm sӓwdӓdӓ xezmӓttӓşlekkӓ basım yasap: “İke yaqlı sӓwdӓ külӓmebez uzğan yılnı 2,3 milliard dӓrӓcӓsenӓ citte. Çın potenśialıbıznı çağıldırmawçı bu kürsӓtkeçne üsterergӓ maqsat itӓbez,” – dide.

“Xӓbӓr türk” basması beldergӓnçӓ Törkiyӓneñ tışqı êşlӓr ministrı Mӓwlüt Çavuşoğlu 13nçe İlçelӓr konferenśiyasendӓ ilçelӓrgӓ mörӓcӓğat’ itep: “PKK, FETÖ hӓm qalğan terror oyışmalarınıñ propagandaları, şul uq waqıtta ilebezgӓ qarata ğayeplӓwlӓr belӓn körӓşӓbez,” – dide.

“Sabah” gazetı citkergӓnçӓ Törkiyӓneñ 4nçe zondaj köymӓse hӓm dön’yanıñ iñ zur 5nçe köymӓse bulğan “Abdülxamid Xan” tantana belӓn wazifasına kereşte. Greśiya belӓn ber rӓttӓn şaqtıy il qarağan tantanada Törkiyä ilbaşı Räcäp Tayyip Ärdoğan bolay dide: “Hӓrwaqıt xaq-xoquqlarıbıznı yaqlaw öçen körӓştek, körӓşӓçӓkbez dӓ.” Greśiya xökümӓte süzçese: “Bezgӓ uyaw bulırğa kirӓk,” – açıqlawın yasadı.

“Yeni Şafak” basması xӓbӓrenӓ kürӓ Törkiyӓneñ berençe qorallı keşesez diñgez apparatı bulğan 11 metrlık ULAQnıñ prototibı testlar hӓm xӓrbi künegülӓrdӓge uñışınnan soñ qayber illӓrdӓn kilgӓn talӓplӓr belӓn yılına 50 danӓ citeşterü öçen êşçӓnleklӓr başlatıldı.

“Star” gazetı yazğança Sӓwdӓ ministrı Mӓxmӓt Muş çip citeşterü ӓkrenӓygӓn waqıtta avtomobil’ hӓm komp’yuter citeşterüneñ dӓ ӓkrenӓyüenӓ basım yasadı. “Çip citeşterü öçen Törkiyӓ bularaq bez dӓ ӓzerlӓnӓbez. Xӓtta Ӓnkarada ber urınnı monıñ öçen bilgelӓdek. Bu mӓs’ӓlӓdӓ Sӓnӓgӓt’ ministrlığı êşçӓnlek alıp bara,” – dide ul.



Bäyläneşle xäbärlär