Törek matbuğatına küzätü 10.08.2022

10nçı avgustta çıqqan qayber törek gazetlarına küzätü

1866005
Törek matbuğatına küzätü 10.08.2022

“Haber Türk” gazetı “Abdülhamid Han korabınıñ wazıyfa urını bilgele buldı” dip yaza.

Abdülhamid Han borawlaw korabı Märsin Taşucu portınnan ilbaşı Räcäp Tayyip Ärdoğan qatnaşındağı tantana belän berençe wazıyfasına ozatıldı. Ul Antaliyäneñ Gazipaşa rayonı tiräsendäge “Yörüklär 1” skvajinasında êşläyäçäk.

“Sabah” gazetı Törkiyäneñ NAVTEX kisätüen iğ’lan itüen citkerä.

Abdülhamid Han borawlaw korabı êşlätäçäk mäydan öçen diñgezçelärgä NAVTEX belderelde. Annan kürengänçä, korab 7nçe oktyabr’gä qadär wazıyfasın başqaraçaq.

“Hürriyet” gazetı Törkiyäneñ borawlaw köymäse şikelle dön’yada barı 5 danä barlığı turında yaza.

Abdülhamid Han - dön’yada aldınğı borawlaw korablarınıñ berse. Andıylar bişäw genä. Ul 238 metr ozınlığında, 42 metr kiñlektä häm 112 metr biyeklektä. 200 êkipaj äğ’zasına iyä korab 12 meñ 200 metr tiränlekkä qabär borawlıy ala.

“Yeni Şafak” gazetı “İslam dön’yası Kon’yada oçraştı” dip xäbär itä.

Törkiyäneñ Kon’ya şähärendä oyıştırılğan 5nçe İslam teläktäşlek uyınnarınıñ açılışı kiçä ilbaşı Räcäp Tayyip Ärdoğan qatnaşında iskitkeç tamaşa belän uzdı. “Berdämlek - köç” şiğare astında başlanğan çara 18nçe avgustqa qadär däwam itä. Anda 56 ildän 4 meñ 200 sportçı köç sınaşa.

“Vatan” gazetı “Törek ğalimnäre uylap taptı, dön’ya öçen ömet buldı” dip yaza.

Törek ğalimnäre uylap tapqan suıq, qorılıq häm çirlärgä bireşmi torğan bodaynıñ berençe uñışın Sivas töbägendä cıyıp aldılar. Yaña törneñ böten dön’yadağı azıq-tölek krizisına qarşı ber çara bula aluı uylanıla.  



Bäyläneşle xäbärlär