Törek matbuğatına küzätü 8.08.2022

8nçe avgust könne çıqqan qayber törek gazetlarına küzätü

1864908
Törek matbuğatına küzätü 8.08.2022

Yenişafak” gazetı Äl-Aksa mäçetendäge basqınğa Törkiyäneñ reakśiyäse turında citkerä.

Törkiyä tışqı êşlär ministrlığı İzrailneñ 5nçe avgustta Ğazzägä başlağan häm, balalarnı da kertep, küp keşeneñ ğomeren özgän höcümnären, fanatik yähüdlärneñ Äl-Aksa mäçetenä, poliśiyä yärdämendä, basqın yasawın häm anda ğıybadät qıluların ğayepläde. Ministrlıq İzrail xökümäten Xarem-i Şärifneñ statusı häm ruxına höcüm itüçe mondıy ğamällärgä yul quymasqa çaqırdı.

“Star” gazetı Kubrakovnıñ Törkiyägä räxmät belderüe turında yaza.

Ukraina asqorma ministrı Oleksandr Kubrakov Rusiyä belän suğış başlanğannan birle täwge tapqır çit il bayrağı yörtüçe korabnıñ aşlıq töyäw öçen Çernomorsk portına kilüen belderde.  “Moña säbäpçe bulğan BMO häm Törkiyädäge wazıyfadaşlarıma räxmätlemen,”-di ul.

“Hürriyet” gazetında  Törkiyädä yasalğan tağın ber mini-dron turında xäbär dön’ya kürde.

Törkiyä ilbaşı idaräse saqlanu sänäğate räise İsmail Dämir STM uylap tapqan häm milli mömkinleklär belän yasalğan mini küzätüçe dron TOGANnıñ berençe partiyäse tapşırıluın citkerde. Älege keşesez hawa apparatı tikşerü, küzätü häm küzläw êşçänlegendä qullanılaçaq.   

Habertürk” gazetı “Germaniyägä êksportta rekord” turında yaza

Törkiyäneñ Germaniyägä êksportı 11 milliard 121 million dollarğa citte häm ğıynvardan iyül’gä qadär bulğan iñ yuğarı kürsätkeçlärgä ireşte.

“Vatan” gazetında  “Xätta buş mendär dä qalmadı” dip isemlängän xäbär urın ala.

Anda äytelgänçä, turizm tarmağı wäkilläre bu ayğa qadär 7 million turist qabul itkän Antaliyädäge qunaqxanälärneñ sentyabr’ ayı urtasına qadär şıplap tuluın, qayber otel’lärdä buş mendär dä qalmawın citkerä.



Bäyläneşle xäbärlär