Törek matbuğatına küzätü 02.08.2022

2nçe avgust könne çıqqan qayber törek gazetlarına küzätü

1862482
Törek matbuğatına küzätü 02.08.2022

Sabah” gazetı ilbaşı Ärdoğannıñ kabinet utırışınnan soñ yasağan belderülärenä urın birä.  

Törkiyä ilbaşı Räcäp Tayyip Ärdoğan böten dön’ya yaqınnan küzätep baruçı aşlıq krizisınıñ çişelüe mäs’äläsendä yasalğan adımnıñ tulısınça Törkiyäneñ tırışlığı näticäse buluın härkemneñ qabul itüen, BMO ğomum särqatibe Antonio Guterrişnıñ monı Törkiyägä räxmätläre belän bergä citkerüen äytte. Ul aşlıq taşuçı korabnıñ kiçä Odessadan yulğa çığuın xäterlätte. “Törkiyä-Rusiyä-Ukraina häm BMOnıñ xezmättäşlege belän alıp barıluçı bu prośessnı däwam itü öçen barlıq tırışlıqnı quyabız,”-dide ilbaşı.

Hürriyet” gazetı Stoltenbergnıñ Törkiyägä räxmät belderüe turında yaza.

NATO ğomum särqatibe Yens Stoltenberg Odessa portınnan quzğalğan täwge aşlıq korabı nisbätennän bolay dide: “BMO aradaşçılığı belän tözelgän kileşü qısalarında Ukraina aşlığınıñ Odessadan yasalğan berençe täêminatı öçen bez qanäğat’. Bu ähämiyätle role öçen berlektäşebez Törkiyägä räxmät belderäm”.

Star” gazetı “Terrorçı oyışmasında zur cimerelü” dip yaza.

Terroröçılıq belän köräş turında belderü yasawçı Törkiyä milli saqlanu ministrı Xulusi Akar bolay dide: “2022nçe yılnıñ 1nçe ğıynvarınnan birle 2 meñ 226 terrorçı täêsirsez xälgä kiterelde. Küzläw oyışmalarınıñ mäğ’lümatlarına qarağanda, terrorçı oyışmada citdi cimerelü turında süz bara, çarasız qaldılar. Terrorçılarnıñ berse dä iminlektä tügel, cilkälärenä utırdıq”.

Habertürk” gazetı Manisanıñ kipterelgän pomidorınıñ mäşhür buluı turında citkerä.

Manisanıñ Saruxanlı häm Turgut rayonnarında igelgän pomidorlar kipterü öçen qırlarğa taratıla başladı. Alar, kipterelgännän soñ, AQŞ, Angliyä, İtaliyä, Germaniyä häm Rusiyägä cibärelä.

“Yenişafak” gazetı “Antaliyägä hawadan turist yawdı” dip yaza.

 Törkiyäneñ turizm başqalası Antaliyägä iyül’dä hawa yulı belän 2 million 404 meñgä yaqın çit il qunağı kilde. 7 aylıq çorda bu san 6 million 688 meñ yarım buldı.



Bäyläneşle xäbärlär