Төрeк мaтбугaтынa күзәтү - Törek matbuğatına küzätü 30.06.2022

30нчы июньдә бaсылып чыккaн кaйбeр төрeк гaзeтлaрынa күзәтү / 30nçı iyündä basılıp çıqqan qayber törek gazetlarına küzätü

1850230
Төрeк мaтбугaтынa күзәтү - Törek matbuğatına küzätü 30.06.2022

“Sabah” gazetı: “Ärdoğan häm Bayden oçraşuı”

İlbaşı Räcäp Tayyip Ärdoğan kiçä İspaniya başqalası Madridtağı NATO däwlät häm xökümät başlıqları sammitı qısalarında Amerika Quşma Ştatları İlbaşı Djo Bayden belän küreşte. Ärdoğan söyläşü aldınnan yasağan belderüendä: "NATOnıñ köçäyüe öçen yasalaçaq adımnar bigräk tä Rusiyä-Ukraina barışına ayırım öleş kertäçäk”, - dip äytte. Ärdoğan ayıruça aşlıq koridorı belän bäyle bularaq: "Tigezlek säyäsäte belän barışnı xäl itärgä tırışabız”, - dip bilgeläp uzdı.

 

“Xörriyät” gazetı: “Madridtağı NATO sammitı: 2 ilgä NATOğa çaqıru. Törkiyägä räxmät”

İspaniya başqalası Madridta oyıştırılğan 32nçe NATO sammitınnan soñ yasalğan urtaq beldergedä: "Bügen Finlyandiyanı häm Şveśiyanı NATOğa äğ’za bulırğa çaqıru häm kerü protokolların imzalaw qararına kildek”, - dip äytelde. NATO Ğomum särkätibe Yens Stoltenberg sammittan soñ yasağan belderüendä Törkiyägä räxmätlären citkerde häm: "Bu kileşü Törkiyä öçen dä, Şveśiya belän Finlyandiya öçen dä yaxşı ber kileşü”, - dip äytte.

 

“Star” gazetı: “Törkiyäneñ uñışı dönya kön tärtibendä”

Törkiyä qatğıy torışınnan taşlama yasamadı, Madridta Finlyandiya häm Şveśiya belän qul quyğan “Öç yaqlı memorandum”da anıq qazanışlarğa ireşte. Kileşü dönya matbuğatında kiñ yaqtırtıldı. Barışnı yaqınnan küzätep barğan dönya matbuğatı Törkiyäneñ “telägänen aluı”n yazıp çıqtı. “The Economist” jurnalı Törkiyäneñ Finlyandiya häm Şveśiyanıñ NATO namzätlegenä yulnı açuın citkerde, “Räcäp Tayyip Ärdoğan öygä ciñü belän qayta” dip belderde.

 

“Watan” gazetı: “NATOdan Törkiyägä kritik wazıyfa”

NATO Törkiyägä ber yıl buyı däwam itäçäk kritik wazıyfa birde. NATOnıñ mina suğışına qağılışlı diñgez xäräkäte häm öyrätü êşçänlegennän cawaplı “NATO daimi minağa qarşı çaralar diñgez wazıyfa törkeme-2”neñ komandalığı ber yılğa Törkiyägä tapşırıldı.

 

“Yäni Şafak” gazetı: “İstanbul mayda turist rekordın quydı”

İstanbul, may ayında 1 million 402 meñ 366 çit il keşesen qunaq itep, soñğı 33 aynıñ iñ küp turistın qabul itte.



Bäyläneşle xäbärlär