Törek matbuğatına küzätü 29.06.2022

29 nçı iyün' könne basılıp çıqqan qayber törek gazetlarına küzätü

1849592
Törek matbuğatına küzätü 29.06.2022

 

 “Sabah” gazetı “Törkiyä telägänen aldı: Finlyandiya häm Şveśiya terror oyışmalarına yärdäm itmäyäçäk” dip yaza. Madridta 4 yaqlı sammittan soñ Finlyandiya häm Şveśiyäneñ NATOğa kerü barışları xaqında Törkiyä, Şveśiya häm Finlyandiya arasında öç yaqlı memorandumğa qul quyıldı. Urtaq kileşü tekstında “PKK” häm anıñ törkemnäre belän köräştä Törkiyä belän tulı xezmättäşlek başqaru”,“ PYD/YPG” häm “ FETÖ”ğa yärdäm itmäw yöklämase”, “Terror ğayeplelären qaytarıp birüdä konkret adımnar yasaw häm ike yaqlı tärtipkä salular buldıru” iñ möhim maddälär arasında urın ala.

”Star” gazeı İzrail prem’yer-ministrı Naftali Bennettneñ “Min Törkiyä ilbaşı Räcäp Tayyip Ärdoğan häm anıñ urınbasarlarına Törkiyädä izrail’lelärgä höcüm omtılışın totqarlawdağı xezmättäşlek öçen zur räxmät äytäm” digän süzlären alğı planğa çığara.

”Vatan” gazetı yazğança, Törkiyä qazna häm finans ministrı Nureddin Nebati parlamentta yasağan belderüendä “2022 nçe yılnıñ mayında Törkiyäneñ êksportı yıllıq 242 milliard 600 million dollar buldı häm  cömhüriyät tarixında iñ yuğarı däräcägä citte” dide.

”Habertürk” basması citkergänçä, Azärbaycanda uzğan İslam xezmättäşlek oyışmasınıñ 11 nçe turizm ministrları konferenśiyäsendä Törkiyäneñ Şanlıurfa şähäre 2023 nçe yılnıñ turizm başqalası itep saylandı.

 “Yeni Şafak” gazetı Törek hawa yulları aviakompaniyäseneñ xalıqara finans dön’yasınıñ abruylı oyışmalarınnan berse bulğan World Finance tarafınnan “İñ totrıqlı bayraq taşuçı hawa yulı” kategoriyäsendä “2022 nçe yılnıñ totrıqlılıq büläge”nä layıq buluın uquçıları belän urtaqlaşa.

 

 



Bäyläneşle xäbärlär