Törek matbuğatına küzätü 28.06.2022

Qayber törek basmalarına küzätü

1849045
Törek matbuğatına küzätü 28.06.2022

“Star” gazetı yazğança Törkiyä ilbaşı Räcäp Tayyip Ärdoğan Kabinet cıyılışınnan soñ açıqlaw yasap: “Süriyä çigendä barlıqqa kiterelä başlanğan iminlek qoridorın tämamlağaç anda yaña operaŝiyalar başlataçaqbız,” – dide.

“Xörriyät” basması NATO ğomüm särqätibe Yens Stoltenbergnıñ süzlären uquçıları belän urtaqlaşa: “Barıbıznıñ da iminlek borçuları NATOğa äğzalek barışınıñ ber öleşe bularaq iğtibarğa alınırğa tiyeş. Bernindi berlektäşebez Törkiyä qadär küp höcümgä duçar qalmadı.”

“Sabah” gazetı Törkiyä ilbaşı Räcäp Tayyip Ärdoğannıñ süzlärenä urın birä: “Adanadağı ike skvajinada sıyfatlı neft’ taptıq. Neft’neñ rezerv bäyäse yaqınça 1 milliard dollar bularaq isäplände.”

“Yeni Şafak” basması citkergänçä Törkiyäneñ tışqı êşlär ministrı Mäwlüt Çavuşoğlu Törkiyä-Azärbaycan-Qazaqstan tışqı êşlär ministrları häm Transport ministrları cıyılışınnan soñ yasağan açıqlawında Azärbaycan belän Ärmänstan arasındağı barışnı xuplawların belderep: “Azärbaycannıñ könbatış töbäkläre belän Naxçivannı totaştıraçaq Zengezur koridorınıñ açıluın köçle räweştä xuplıybız. Koridornıñ ozaqlamıy açıluın kötäbez,” – dide.

“Xäbär türk” gazetı beldergänçä Antaliyağa 1nçe ğıynwar-26nçı iyun’ könnärendä oçqıç belän kilgän çit il turistı sanı uzğan yılnıñ şul uq çorı belän çağıştırğanda 193%lık artış belän 4 million 11 508 keşegä citte.



Bäyläneşle xäbärlär