Törek matbuğatına küzätü 27.06.2022

Qayber törek basmalarına küzätü

1848566
Törek matbuğatına küzätü 27.06.2022

“Watan” gazetı yazğança Törkiyäneñ däwlät başlığı yärdämçese Fuat Oktay 19nçı Urta diñgez uyınnarınıñ açılış programmasında qatnaşır öçen kitkän Aljirda törek êşçeläre belän oçraşıp: “Aljirdağı törek investiŝiyaläre 5 milliard dollarğa citte,” – dide.

“Xörriyät” basması İlbaşı idaräseneñ Saqlanu sänägäte başlığı İsmail Dämirneñ süzlären uquçıları belän urtaqlaşa: “Törek injenerları milli mömkinleklär belän yasağan STM500 su astı köymäsen citeşterü êşçänleklärenä kereşäbez.”

“Star” gazetı beldergänçä aviaŝiya öçen kritik ähämiyätkä iyä bulğan tağın ber texnologiya milli status aldı. Milli hawa apparatlarınıñ qoşlarğa bärelü testları da Törkiyädä uzaçaq. Şulay itep cirle texnologiya yärdämendä Milli suğış oçqıçları, Hürjet, Gökbäy kebek proyektlarnıñ testı öçen çit ilgä barırğa kiräk tügel.

“Yeni Şafak” basması citkergänçä Törkiyäneñ Avtomobil’ oyışma törkeme yuğarı citäkçese Gürcan Karakaş avtomobil’dän alda başqa texnologik êşlänmäne bazarğa täqdim itü turındağı däğwalar belän bäyle bularaq tübändägeçä belderde: “Bu mäs’älädä mäğlümat birü öçen irtäräk läkin berençe aqıllı cihazıbız C segmentı bulğan Sport maqsatlı cirlektä yörüçe maşinanı bazarğa çığarğançı mobil’ bularaq xezmät kürsätäçäk ŝifrlı ber produkt östendä êşläwebezne genä äytä alam.”

“Xäbär türk” gazetı yazğança Vehbi Koç Vaqıfınıñ Keşelekkä östen xezmät bülagen BioNTechnıñ qoruçı partnyerları bulğan törek professorı, doktor Özläm Türäci häm professor, Doktor Uğur Şahin aldı.



Bäyläneşle xäbärlär