Төрeк мaтбугaтынa күзәтү - Törek matbuğatına küzätü 06.06.2022

6нчы июньдә бaсылып чыккaн кaйбeр төрeк гaзeтлaрынa күзәтү / 6nçı iyündä basılıp çıqqan qayber törek gazetlarına küzätü

1838306
Төрeк мaтбугaтынa күзәтү - Törek matbuğatına küzätü 06.06.2022

“Xörriyät” gazetı: “Şveśiyağa häm Finlyandiyağa NATO vetosı"

İlbaşı Räcäp Tayyip Ärdoğan Ğomum başlıq bulğan “Ğadälät häm qalqınu” partiyasınıñ Kızılcahamam lagerın yabu tantanasında yasağan çığışında Şveśiya häm Finlyandiyanıñ NATOğa äğ’zalek möräcäğäte turında: "Kötkännärebez ütälmi torıp NATOnıñ kiñäyüe mäs’äläsendäge totışıbız üzgärmäyäçäk,” – dip äytte.

 

“Xäbär Türk” gazetı: "Altun: “Terror kebek ber mäs’äläneñ satulaşuı bulmas””

İlbaşı idaräseneñ êlemtä başlığı Fahrättin Altun Şveśiyanıñ “Dagens Nyheter” gazetına yasağan açıqlawında Şveśiyanıñ NATO äğ’zalek möräcäğäte belän bäyle bularaq: “Terrorçılıq kebek mäs’äläneñ satılaşıluı bula almıy. Monnan soñ närsä bulaçağı Şveśiya xökümätenä bäyle. Bez Şveśiyanıñ êçke êşlärenä tıqşınmıybız,” – dip äytte.

 

“Yäni Şafak” gazetı: "Tışqı êşlär ministrlığınnan Kön’yaq Kipr belän İzrailneñ künegülärenä reakśiya”

Tışqı êşlär ministrlığı İzrailneñ Kön’yaq Kipr grek citäkçelege belän Urta diñgezdä ütkärgän “Agapinor 2022” xärbi künegüläre belän bäyle bularaq yasağan belderüendä Kipr grek citäkçelegeneñ töbäktäge totrıqlılıqnı bozu xisabına oyıştırğan künegülärneñ “êçkerlelekneñ açıq dälile” buluına basım yasadı.

 

“Sabah” gazetı: "Dön’ya säwdä oyışmasında “Turkey” urınına täwge tapqır “Türkiye” qullanıldı"

Berläşkän Millätlär Oyışmasınıñ çit tellärdä "Turkey" dip qullanılğan il isemen "Türkiye" bularaq üzgärtüennän soñ Şveyśariyanıñ Jeneva qalasındağı Dön’ya säwdä oyışmasında il iseme berence tapqır "Türkiye" räweşendä qullanıldı.

 

“Star” gazetı: "Qırğızstannan Dalaman aêroportına turıdan-turı oçışlar başlandı"

Muğladağı Dalaman hawa mäydanına Qırğızstannan turıdan-turı oçışlar başlandı. Qırğızstannıñ Bişkäk häm Oş şähärlärennän berence oçışlar başlanğan bulsa, atnada 2 bulğan oçış sanı kiläse könnärdä 4kä citäçäk.



Bäyläneşle xäbärlär