Törek matbuğatına küzӓtü 20.05.2022

Qayber törek basmalarına küzätü

1829615
Törek matbuğatına küzӓtü 20.05.2022

“Vatan” gazetı: “Törkiyӓdӓ 19 May qotlandı”

Ğazıy Mostafa Kӓmal Atatörekneñ Bandırma paromı belӓn 1919nçı yılnıñ 19nçı may könne Samsunğa kilüeneñ 103 yıllığında Törkiyӓneñ hӓr poçmağında tantanalar oyıştırıldı. Milli bӓyrӓm könendӓ mӓydannar tuldı, Ӓnkaradağı qotlawlarnıñ üzӓge Anıtqaber buldı.

“Star” basması: "Ӓrdoğannan açıq yullama: PKK/YPGğa yӓrdӓm kürsӓtüçelӓrgӓ “ӓye” dip ӓytӓ almıybız”

Törkiyä ilbaşı Räcäp Tayyip Ärdoğan Şveśiya hӓm Finlyandiyaneñ NATOğa ӓğzalek mörӓcӓğateneñ Törkiyӓ tarafınnan veto itelüe belӓn bӓyle bularaq bolay dip belderde: “PKK/YPGğa yӓrdӓm kürsӓtüçelӓrgӓ “ӓye” dip ӓytӓ almıybız. Şveśiya – terrroçılıq oyası. Ber il genӓ qarşı çıqsa da, NATOğa ala almıylar.”

“Hürriyet” gazetı: "Ministr Çavuşoğlu xezmӓttӓşlekkӓ çaqırdı”

Törkiyӓneñ tışqı êşlӓr ministrı Mӓwlüt Çavuşoğlu Rusiyӓ hӓm Ukrainanıñ citeşterü hӓm êksport mömkinleklӓrendӓge tübӓnӓyüneñ dön’yakülӓm azıq-tölek qurqınıçsızlığına turıdan tӓêsir itӓçӓgen citkerep: “Bu suğış arqasında açlıq krizisı tağın da tirӓnӓymӓsen öçen xalıqara xezmӓttӓşlekkӓ ixtıyacıbız bar,” – dide.

“Sabah” basması: "Tışqı êşlӓr ministrlığınnan Greśiyağa “Pontus” reakśiyase”

Törkiyӓneñ tışqı êşlӓr ministrlığınnan yasalğan açıqlawda tübӓndӓge yullar urın ala: “Greśiya xaqimiyӓte tarafınnan nigezsez “Pontus” dӓğwalarınıñ yıllığı sӓbӓple yasalğan hӓm bozıp kürsӓtelgӓn açıqlawlarnı kire qağabız.”

“Habertürk” gazetı: “Dürtençe zondaj köymӓse Törkiyӓgӓ kilde”

Törkiyӓneñ diñgezlӓrdӓ uglevodorod êzlӓwçe flotına quşılaçaq 4nçe zondaj köymӓse Mӓrsinneñ Taşucu portına kilep citte. ênergetika hӓm tabiğıy çığanaqlar ministrı Fatix Dönmӓz: “Taşucu portında 2 aylıq ӓzerlek barışınnan soñ köymӓbez berençe zondaj êşenӓ kereşӓçӓk,” – dide.



Bäyläneşle xäbärlär