Төрeк мaтбугaтынa күзәтү - Törek matbuğatına küzätü 13.05.2022

13нче майда бaсылып чыккaн кaйбeр төрeк гaзeтлaрынa күзәтү / 13nçe mayda basılıp çıqqan qayber törek gazetlarına küzätü

1826544
Төрeк мaтбугaтынa күзәтү - Törek matbuğatına küzätü 13.05.2022

“Watan” gazetı: “Törkiyäneň Parij baş konsullığına bombalı höcüm”

Franśiy başqalası Parijda urnaşqan Törkiyä baş konsullığına tanıqlığı bilgesez keşelär granata belän höcüm oyıştırdı. Höcüm näticäsendä baş konsullıq binasına matdi zıyan kiterelgän. Çığanaqlar höcüm öçen cawaplılıqnı “PKK” separatist terror oyışması belän bäyläneşle törkemnärneň üz östenä aluı mäğ’lümaten citkerde.

“Yäni Şafak” gazetı: “Ärdoğan: “Tokioda ğorurlandıq, çirat Parijda””

İlbaşı Räcäp Tayyip Ärdoğan Törkiyäneň, “Tokio 2020”gä 87 sportçı cibärep, paralimpiya uyınnarı tarixında iň küp sportçı belän qatnaşqan çara buluın belderde. Törek sportçılarınıň xalıqara çempionatlarda bik küp medal’ yawlawına basım yasawçı Ärdoğan: “2024 Parij olimpiadasında häm sportçı sanı häm dä qazanılğan medal’ yağınan yaňa rekord quyaçağıbızğa ışanam”, - dide.

“Xäbär Türk” gazetı: “Törkiyä watandaşı bulunıň çige arttırıldı”

Küçmäs milek satıp alıp törek watandaşlığın alu mömkinlegen birüçe 250 meň dollar çigen 400 meň dollarğa kütärüçe İlbaşı idaräse qararı “Räsmi Gazete”dä çıqtı. Qarar ber aydan soň ğamälgä keräçäk. Qağıydanämägä kertelgän başqa üzgäreş belän kim digändä 500 meň dollar yäki şul miqdarğa bärabär valyuta külämendä salım payı belän individual’ pensiya sistemasına kergän häm 3 yıl buyı sistemada qalğan çit il keşelärenä dä törek watandaşlığı birelä alınaçaq. Qarar bügen ğamälgä kerde.

“Star” gazetı: “Törkiyä belän Azärbaycan arasında ğasır proyıktı”

Transport häm asqorma ministrı Adil Qaraismailoğlu Törkiyä-Azärbaycan arasında Zängäzur timer yulınıň häm avtoyulınıň açıluı belän İstanbuldan Qıtayğa qadär baraçaq koridornıň tormışqa aşırılaçağın belderde. Koridor Aziya illäreneň Awrupağa arzan üzqıymmät belän tovar êksportlawnıň yulın açaçaq, törki dönyanı ber-bersenä tağın da yaqınaytaçaq.

“Sabah” gazetı: “Çit il studentları İstanbul aêroportına xäyran qaldı”

Angliyanıň Birmingham şähärendäge “University College Birmingham”ta aviaśiya häm turizm bülegendä belem aluçı studentlar uqıtu säyäxäte öçen İstanbulnı saylap aldı. Dön’yanıň törle illärennän kilgän 60 student İstanbul hawa mäydanına soqlandı. Latviyalı yäş’ uquçı Aija Busa: “Mondıy mökämmäl aêroport kürmädem”, - dip äytte.



Bäyläneşle xäbärlär