Төрeк мaтбугaтынa күзәтү - Törek matbuğatına küzätü 15.04.2022

“Xörriyät” gazetı: “Kritik söyläşüdä tınıçlıqqa basım yasaw”

İlbaşı Räcäp Tayyip Ärdoğan Awstriya Baş ministrı Karl Nehammer belän telefon söyläşüen ütkärde. Ärdoğan söyläşü waqıtında Ukrainadağı suğışta humanitar dramanı beterü häm utnı tuqtatunı täêmin itü öçen här forsatnı qullanunıñ, tınıçlıq söyläşülärendä alğa baru öçen İstanbul barışın yaqlawnıñ zarurlığın belderde. Ärdoğan tınıç çişeleşne yaqlap tırışuların däwam itäçäklären äytte.

“Star” gazetı: “Slovakiya “Bayraktar TB2” öçen xäräkätkä küçte”

Dön’yada bik küp telgä alınğan Törkiyäneñ keşesez qorallı hawa apparatı “Bayraktar TB2”ne tağın ber il alırğa teli. Slovakiya saqlanu ministrı “Bayraktar TB2”ne satıp alu öçen Törkiyä belän söyläşülärgä başlanuın citkerde.

“Yäni Şafak” gazetı: “Törkiyädän zäñgär watan adımı”

Törkiyä xalıqara säwdäneñ häm transporttağı integraśiyanıñ töp noqtalarınnan berse bulğan diñgez yullarındağı port sanın 2053nçe yılğa qadär 217dän 255kä citkerüne maqsat itä. Ayıruça “Yäşel port” çaraların kübäytep, portlarda yuğarı külämdä yañartıla alınğan ênergiya çığanaqlarınıñ qullanıluı täêmin iteläçäk.

“Xäbär Türk” gazetı: “Texnika êksportında rekord”

Törkiyäneñ texnika êksportı berençe çirektä 6 milliard 100 million dollar belän rekord quydı. Berençe çirektä tuplam êksportnıñ 5%tan kübräge suğışqa qaramastan Rusiyägä häm Ukrainağa yasalğan bulsa, Germaniya häm Amerika Quşma Ştatlarına 1 milliard dollardan kübräk êşlänmä cibärelde.

“Watan” gazetı: “İstanbul - dönyanıñ iñ cälep itüçän şähärläre arasında”

2021nçe yılnıñ iñ cälep itüçän şähärläre isemlege basıldı. Şähärlärneñ isemlege koronavirus belän köräş, asqorması, totrıqlılığı, iq’tisadı, xalqı belän yäşäw sıyfatın saqlap qalıp, turistlarnı üzenä cälep itüe häm qabul itüeneñ awırlıqların xäl itüe isäpkä alınıp äzerlände. Üzäge Angliyada urnaşqan “Euromonitor” tikşerenü şirkäte äzerlägän isemlektä Törkiyädän dä İstanbul bar.