Төрeк мaтбугaтынa күзәтү - Törek matbuğatına küzätü 28.01.2022

28нчe гыйнвардa бaсылып чыккaн кaйбeр төрeк гaзeтлaрынa күзәтү / 28nçe ğinwarda basılıp çıqqan qayber törek gazetlarına küzätü

1769684
Төрeк мaтбугaтынa күзәтү - Törek matbuğatına küzätü 28.01.2022

“Xäbär Türk” gazetı: “Milli iminlek beldergesendä Rusiyägä häm Ukrainağa töple fiker çaqıruı”

Milli İminlek Şurası beldergesendä Rusiyä häm Ukraina arasında kiyerenkelekneñ artuınıñ berkemneñ mänfäğätenä dä näticälär tudırmayaçağına basım yasalıp, taraflar töple fiker êçendä kiyerenkelekne beterergä çaqırıldı.

 

“Star” gazetı: "Putin Ärdoğannıñ çaqıruın qabul itte"

Rusiyä ilbaşı idaräse süzçese Dmitriy Peskov Rusiyä liderı Vladimir Putinnıñ Däwlät başlığı Räcäp Tayyip Ärdoğannıñ Törkiyägä çaqıruın şatlanıp qabul itüen belderde.

 

“Xörriyät” gazetı: "Çavuşoğlunnan Rusiyä-Ukraina kiyerenkelege yullaması"

Rusiyä belän Ukraina arasındağı kiyerenkelek turında çığış yasawçı Tışqı êşlär ministrı Mäwlüt Çavuşoğlu: “Kiyerenkelek bäreleşlärgä äylänmäskä tiyeş”, - digän yullamasın citkerde. Çavuşoğlu: "Telägebez - Ukraina belän dialognıñ däwam itelüe”, - dip äytte.

 

“Sabah” gazetı: "Törkiyädän Äfğanstanğa yärdäm alıp baruçı berençe poyezd yulğa çıqtı"

İlbaşı Räcäp Tayyip Ärdoğannıñ boyırığı belän Törkiyädän Äfğanstanğa humanitar yärdäm alıp baruçı poyezdlarnıñ berençese Transport häm asqorma ministrı Adil Qaraismailoğlu belän êçke êşlär ministrı Söläyman Soylu qatnaşqan tantana belän başqala Änkaradan ozatıldı. Poyezd yaqınça 750 tonna yaxşılıq äyberlären alıp bara.

 

“Yäni Şafak” gazetı: "Törkiyäneñ öç däw borawlaw köymäse Qara diñgez gazı öçen ber ük waqıtta êşläyäçäk"

Törkiyäneñ barlığı 540 milliard kub metr tabiğıy gaz tapqan Qara diñgezdä “Yawız” borawlaw köymäseneñ mart axırında täwge wazıyfasına başlawı küzdä totıla. Bu räweşle Törkiyäneñ öç zur borawlaw köymäse “Fatih”, “Qanuni” häm “Yawız” Qara diñgez gazınıñ 2023nçe yılda qullanuğa täq’dim itelüe öçen ber’yulı êşçänlek alıp baraçaq.



Bäyläneşle xäbärlär