Törek matbuğatına küzätü 19.01.2022

”Vatan” gazetı Törkiyäneň Bosniya Gerśegovina öçen xalıqara cämäğät’çelekkä çaqıruın alğı planğa çığara.

 Törkiyä ilbaşı Räcäp Tayyip Ärdoğan Serbiyäneň Bosniya Gerśegovinanıň suverenlığına häm cir bötenlegenä yaqlawınıň Balkannıň tınıçılığı häm totrıqlığı cähätennän zur ähämiyätkä iyä buluın belderde. Ul Bosniya Gerśegovinanıň territorial’ bötenlegenä zıyan kiterä torğan adımnardan çittä torırğa öndäde häm “Bosniya Gerśegovinadağı krizisnı çişü öçen xalıqara cämäğät’çelek bergä êşlärgä tiyeş” dide.

 “Haber Türk” gazetı Törkiyä ilbaşınıň “Bez suğışnı säyäsät tarixınnan sörtep taşlarğa tiyeş” digän süzlären uquçıları belän urtaqlaşa.

Törkiyä ilbaşı Ärdoğan Rusiyäneň Ukrainanı basıp aluın real’ dip sanamawın äytte. “Bu mäs’älälärne Rusiya Federaśiyäse däwlät başlığı Vladimir Putin belän söyläşergä kiräk. Çönki bu töbäklär suğışnı qabul itä almıy. Bu döres tügel. Bez suğışnı säyäsät tarixınnan sörtep taşlarğa tiyeş” dide Ärdoğan.

“Star” gazetı “Ägär neft’ tınıçlıq qoralına äylänsä, bez anı qullanırbız” dip yaza.

 Törkiyä ilbaşı Könçığış Urta dingezdä İzrail belän xezmättäşlek itü mömkinlegen bäyäläp bolay dide: “İzrail ilbaşı İśxak Gerśog Törkiyägä säfär yasarğa mömkin. Bez säyäsätçelär tınıçlıq telibez. Neft’ tınıçlıq qoralına äylänsä, monı qullanırbız. Ägär bu 2 yaqlı qazanu prinśibına nigezlänsä, bez qulıbızdan kilgänneň barısın êşlärbez”.

”Hürriyet” gazetı “Törkiyä iq’tisadınıň üseşe 10%tan artıp kitäçäk” dip citkerä.

Anda äytelgänçä, iq’tisadnı koordinaśiyäläw şurası ilbaşı urınbasarı Fuat Oktay citäkçelegendä cıyıldı häm cıyılıştan soň yazmaça belderü yasadı. “2021 nçe yılnıň soňğı kvartalına qağlışlı kürsätkeçlär üseş tendenśiyäseneň däwam itüen kürsätä. Şul räweşle, 2021 nçe nçe yılda real’ milli tulayım tabış 10%tan artıp kitär dip kötelä “diyelä belderüdä.

”Yeni Şafak” gazetı yazğança, Törkiyä - 500 dän artıq studiyäse belän  mobil’ uyın üseşendä dönyada aldınğı illärneň berse. 255 million dollarlıq yaňa investiśiya aluğa ireşkän Törkiyä mobil’ uyın şirkäte Dream Games 2,75 milliard dollar külämendäge   bäyäläw belän dönyadağı iň qıymmätle mobil’ uyın kompaniyäläreneň berse buldı. Spyke Games isä 55 million dollar investiśiya aldı.