Төрeк мaтбугaтынa күзәтү - Törek matbuğatına küzätü 10.01.2022
10нчы гыйнвардa бaсылып чыккaн кaйбeр төрeк гaзeтлaрынa күзәтү / 10nçı ğinwarda basılıp çıqqan qayber törek gazetlarına küzätü
“Sabah” gazetı: “Törkiyä Qazaqstan öçen yärdämgä äzer”
Tışqı êşlär ministrı Mäwlüt Çavuşoğlu Qazaqstannıñ tiz arada totrıqlılıqqa, xozurğa, tınıçlıqqa qawışuın teläwen belderde. Törkiyä häm Törki däwlätlär oyışması bularaq Qazaqstanğa härtörle yärdäm kürsätäçäklärenä basım yasawçı Çavuşoğlu: “Törki dönyanıñ qayğı-xäsräte bezneñ qayğıbızdır. Monı böten dönya Qarabax ciñüendä kürde”, - dip äytte.
“Sabah” gazetı: ““Turkovak”qa zur qızıqsınu”
Yaña tör koronavirusqa (“Kovid-19”ğa) qarşı Törkiyädä qamilläşterelgän “Turkovak” cirle vakśinası 30nçı dekabr’dän birle böten şähär xastaxanälärendä qullanıla başlandı häm watandaşlar vakśinağa zur qızıqsınu kürsätte. Xastaxanälärdän soñğı ber atnada sorap alınğan vakśinalarnıñ 50%ın “Turkovak” täşkil itte. Törkiyäneñ cirle vakśinasınıñ dönyanıñ şaqtıy töbäge öçen dä ömet buluı kötelä.
“Star” gazetı: “Sänäğät tarmağında tarixi iñ yuğarı noqta”
Törek sänäğäte tarmağı uzğan yılda 170 milliard dollardan kübräk tışqı säwdä belän êksportta iñ yuğarı noqtağa ireşte. Sänäğät törkemendäge 16 sektornıñ barısı da uzğan yılda êksportın arttırdı. Bu räweşle sänäğät törkemendäge böten tarmaqlar 2021nçe yılda êksportta kütärelde. Uzğan yılda sänäğät êksportında tarmaqlarğa iñ küp soraw-taläp Germaniyadan yasaldı.
“Xörriyät” gazetı: “Törkiyä sälamätlek saqlaw turizmında tartım märkäze”
Törkiyädä 2020nçe yılda 1 millionğa yaqın êstetik çaralar başqarıldı. Xirurgik bulmağan prośeduralarda botoks, xirurgiya prośeduralarında isä borın operaśiyäläre berençe urında buldı. Törkiyä êstetikada iñ küp çit il paśiyentları sanı yağınnan ikençe il buldı. Yuğarı keremle çit il keşeläre plastik xirurgiyada Törkiyäne östen kürä.
“Yäni Şafak” gazetı: “Cirle avtomobil’ bıyıl küpläp citeşterügä äzer bulaçaq”
Törkiyäneñ avtomobile “TOGG” bazarğa çıqqan çaqta, 200 belän 3400 at köçe belän nol’dän ber säğättä 100 kilometr tizlekkä 4.8 sekundada citep, 500 çaqrım aralıqnı täq’dim itäçäk. “TOGG”ta üzençäleklärneñ barısı da mobil’ êkosistemasına integraśiyälänäçäk. Avtomobil’ 2022nçe yılnıñ 4nçe çiregendä küpläp citeşterügä äzer bulaçaq häm sertifikaśiyäläw êşçänlege tämamlanğannan soñ massaküläm êşläp çığaru 2023nçe yılnıñ 1nçe çiregendä başlanaçaq.
