Törek matbuğatına küzätü 5.01.2022

“Haber Türk” gazetı Törkiyä ilbaşı Ärdoğannıň “İň awırı artta qaldı” digän süzlären alğı planğa çığara.  

İlbaşı Räcäp Tayyip Ärdoğan id’tisadta qabul itelgän yaňa qararlar xaqında “İň awırı artta qaldı. Monnan alıp bez üz maqsatlarıbızğa yaqınlaşuıbıznı kürsätergä tiyeş. Bez çaralar paketı belän dollarnı töşerdek, inflyaśiyanı da töşerep ilebezne bu wazğıyät’tän qotqaraçaqbız” dide.

”Hürryet” gazetı taw sänäğäte êksportında rekord quyıluın xäbär itä. Törkiyä ênergetika häm tabiğıy çığanaqlar ministrı Fatix Dönmäz 2021 nçe yılnıň ênergiya häm taw sänäğäte cähätennän uňışlı uzuın belderep: "Uzğan yılda Cömhüriyät tarixınıñ rekordın quyıp 5 milliard 930 million dollar külämendä taw sänäğäte êksportı başqarıldı”,- dip äytte.

”Star” gazetı yazğança, Qıtaynıň “China Daily” basmasında dönya kürgän mäqalädä “Törkiyäneň Urta koridorı tarixta iň yaxşı mömkinlek çorı  häm tiz üseş aldında tora” diyelä. Proyektnıň potenśialına basım yasalğan mäqalädä Qıtaydan Awrupağa iň qısqa yulnıň Törkiyä aşa uzuı äytelä.

“Yeni Şafak” gazetı İndoneziya Törkiyädän xärbi köymä satıp alırğa mömkin dip yaza.  

Xärbi häm saqlanu sänäğäte temaların yaqtırtuçı “Oryx Blog” Törkiyäneň İndoneziyägä xärbi köymä êksportı turında mäqalä yazdı. Mäqalädä Törkiyädä êşlängän köymälärneň böten dön’yağa satılaçağı äytelä. İndoneziyäneň Änkaradağı tulı wäqalätle ilçese doktor Lalu Möxämmäd İkbal dä ileneň Törkiyädän xärbi köymä satıp alu ixtimalı xaqında söyläşülär başlanğanın belderde.

”Sabah” gazetı  citkergänçä, Törek hawa yulları aviakompaniyäse Filippinda başqala Maniladan soň Sebu qalasına da oçışlar başlattı. Oçışlar atnağa 3 kön İstanbul- Manila – Sebu räweşendä başqarılaçaq.