Törek matbuğatına küzätü 03.12.2021
3 nçe dekabr' könne basılıp çıqqan qayber törek gazetlarına küzätü
”Hürriyet” gazetı yazğança, ilbaşı idaräseneň yuğarı kiňäşmä şurası cıyılışı kiçä başqala Änkarada ilbaşı Räcäp Tayyip Ärdoğan räislegendä uzdı. Cıyılışta Törkiyäneň Parij klimat kileşüen parlamentta raslap barışqa quşıluınnan soň bulaçaq waqıyğalar turında söyläştelär.
“Sabah” gazetı citkergänçä, Törkiyä ilbaşı Racäp Tayyip Ärdoğan kiçä däwlät – şäxsi tarmaq xezmättäşlegendä citeşterelgän milli diňgez qoral sistemasın sınap qaraw tantanasına cibärgän yullamasında Törkiyäneň mondıy qoral belän bu qoral sistemasın êşlägän sanawlı illär arasına kerüen belderde.
”Vatan” gazetı Törkiyä tışqı êşlär ministrı Mävlüt Çavşoğlunıň “Qırımnı qanunsız annekśiyäläwne tanımayaçaqbız” digän süzlären alğı planğa çığara. Törkiyä tışqı êşlär ministrı Mävlüt Çavuşoğlu kiçä Stokgol’mda uzğan Awrupa iminlek häm xezmättäşlek oyışmasınıň 28 nçe tışqı êşlär ministrları cıyılışında Qırımnı qanunsız annekśiyäläwneň tanılmayaçağına basım yasap, “Kön’yaq Kavkazda daimi tınıçlıq öçen mömkinleklär täräzäse bar” dide.
”Xäbär Törek” gazetı “Noyabr’ ayında êksport rekord däräcägä citte” dip yaza. Törkiyä säwdä ministrı Mäxmät Muş kiçä “Êksport noyabr’ ayında uzğan yılnıň noyabre belän çağıştırğanda 33,4%qa artıp 21,5 milliard dollar täşkil itte. Bu – iň yuğarı aylıq êksport kürsätkeçe” dide.
“Star” gazetı yazğança,Törkiyä belän Liviya arasında 25 yıldan soñ yulçı korabları yöri başladı. Bu yök häm transport çaraların taşu mömkinlegen dä birä, säfärlär atnaga 1 tapqır bulaçaq.
