Төрeк мaтбугaтынa күзәтү - Törek matbuğatına küzätü 29.11.2021

29нчы ноябрьдә бaсылып чыккaн кaйбeр төрeк гaзeтлaрынa күзәтү / 29nçı noyabrdä basılıp çıqqan qayber törek gazetlarına küzätü

1740152
Төрeк мaтбугaтынa күзәтү - Törek matbuğatına küzätü 29.11.2021

“Xörriyät” gazetı: “Ärdoğan: “Xalıqara xezmättäşlek terrorçılıq belän köräştä bik möhim””

İlbaşı Ärdoğan, regional’ häm xalıqara xezmättäşlekneñ terrorçılıq belän köräştä möhim buluına basım yasap: “Bez köräşebezne terror oyışmaları arasında ayırımlılıq yasamıyça alıp barırğa tiyeş”, - dip belderde. Ärdoğan: “Töbägebez “PKK”, “YPG”, “Fätullahçı” terror oyışması (FETÖ), “DEAŞ” kebek qulı qanlı terror oyışmalarınnan çistartılğan sayın xozur, totrıqlılıq häm iq’tisadi üseş tä tizlänäçäk”, - dip äytte.

“Yäni Şafak” gazetı: “Ärdoğannan dus häm qardäş illärgä Tön’yaq Kipr Törek Cömhüriyäte çaqıruı”

İlbaşı Räcäp Tayyip Ärdoğan Törekmänstan başqalası Aşqabadta oyıştırılğan İq’tisadi xezmättäşlek oyışmasınıñ 15nçe sammitında yasağan çığışında Kipr mäs’äläsendä Kipr törek xalqınıñ möstäqıyl’ tigezlegeneñ häm tigez xalıqara statusınıñ raslanuınıñ çişeleşneñ açqıçı buluın belderde. Ärdoğan: “Böten dus häm qardäş illärneñ Tön’yaq Kipr Törek Cömhüriyäteneñ çişeleş vizionın tiskäre xökemsez bäyäläwen telim”, - dip äytte.

“Star” gazetı: “Tön’yaq Kipr Törek Cömhüriyätennän yaqlaw belderülärenä räxmät”

Tön’yaq Kipr Törek Cömhüriyäte İlbaşı Ärsin Tatar: “Bez berençe tapqır Jenevada söyläşülär waqıtında beldergän möstäqıyl’ tigez ike ayırım däwlätkä nigezlängän çişeleş täq’dimebez kön tärtibendä qalğan çaqta, İlbaşı Räcäp Tayyip Ärdoğannıñ Törekmänstandağı İq’tisadi xezmättäşlek oyışmasınıñ 15nçe sammitında yasağan çığışında “Böten dus häm qardäş illärne Tön’yaq Kipr Törek Cömhüriyäteneñ çişeleş vizionın tiskäre fikersez bäyälärgä” çaqıruı köçebezgä köç östäde”, - dip äytte.

“Xäbär Türk” gazetı: “İran: “Törkiyä belän mönäsäbätlärneñ küp yaqlı üsterelüe qararına kilende””

İran tışqı êşlär ministrı Xösäyen Ämir Abdullahiyan “Twitter” akkauntınnan yasağan belderüendä İlbaşı Ärdoğan belän İranlı wazıyfadaşı İbrahim Räisi arasındağı Törekmänstandağı söyläşü waqıtında ike il arasındağı mönäsäbätlärneñ küp yaqlı üsterelüeneñ qararına kilenüen belderde.

“Sabah” gazetı: “Törkiyä İdlibtä yaña şähär tözede”

Süriyädä çatırlarda qalğan yöz meñnärçä tınıç xalıqnıñ yärdämenä aşığuçı “Törek Qızılay”ı briket öylärdän torğan yaña şähär tözede. “Törek Qızılay” ğomum başlığı Käräm Kınık: “Törkiyä Awrupağa kitäçäk migraśiya xäräkäten totqarlıy”, - dip äytte.



Bäyläneşle xäbärlär