Төрeк мaтбугaтынa күзәтү - Törek matbuğatına küzätü 22.10.2021
22нчe үктәбрьдә бaсылып чыккaн кaйбeр төрeк гaзeтлaрынa күзәтү / 22nçe üktäbr’dä basılıp çıqqan qayber törek gazetlarına küzätü
“Xörriyät” gazetı: "Bez bu 1 milliard 400 million dollarıbıznı barıber alaçaqbız"
İlbaşı Räcäp Tayyip Ärdoğan Angola, Togo häm Nigeriya säfärennän qaytqan çaqta oçqıçta jurnalistlarğa añlatma birde, könüzäk mäs’älälär belän bäyle sorawlarğa cawap birde. Ärdoğan: "(Amerika Quşma Ştatlarına “F-35”lär öçen tülängän) 1 milliard 400 meñ dollarıbıznı niçek kenä bulmasın barıber alaçaqbız. Bez berniçek tä Törkiyä xoquqlarınıñ bozıluına forsat birmibez”, - dip äytte.
“Yäni Şafak” gazetı: "Ministr Çavuşoğlunnan “swap” açıqlawı"
Tışqı êşlär ministrı Mäwlüt Çavuşoğlu Törkiyä belän Kön’yaq Koreyanıñ ike yaqlı säwdäne totrıqlı itü öçen bergä êşläwläreneñ zarurlığın belderep: "Şuşı maqsattan çığıp üzäk banklarıbız arasındağı “swap” kileşüe nigezendä säwdä mönäsäbätlärebezdä milli aqça berämleklärebezne qullana alırbız”, - dip äytte.
“Xäbär Türk” gazetı: "Säwdä ministrı Muş: “Törkiyä-Afrika säwdä küläme 25,3 milliard dollarğa citte”"
Säwdä ministrı Mäxmät Muş, Törkiyä belän Afrika arasındağı iq’tisadi mönäsäbätlärneñ tiz üseş aluın belderep: "2003nçe yılda Törkiyä-Afrika säwdä küläme 5 milliard 400 million dollar külämennän 2020nçe yılda 25 milliard 300 million dollarğa citte”, - dip äytte.
“Star” gazetı: "Törkiyädän töbäkkä iq’tisadi adım! Urtaq belderge yasaldı"
DEİK Tışqı iq’tisadi mönäsäbätlär şurası tarafınnan Säwdä ministrlığı häm Afrika Berlege komissiyasınıñ xezmättäşlege belän İstanbul Kongress üzägendä oyıştırılğan Törkiyä-Afrika 3nçe İq’tisad häm êş forumı qısalarında urtaq belderge yasaldı. Urtaq beldergegä kürä, forum şäxsi sektornı östenlekle tarmaqlar bularaq texnologiya, turizm, igençelek, êlektr citeşterelüe, tapşıru häm taratu qorılmaları häm xezmätläre, aviaśiya, diñgezçelek, mäğarif, sälamätlek saqlaw häm çista uglerod çığaru ölkälärenä kapital saluğa täşviq itü.
“Watan” gazetı: "Mardinda 12 meñ yıllıq ğıybadät tabıldı"
Mardinnıñ Dargäçit ilçäsendä alıp barılğan qazılmalarda tabılğan häm 12 meñ yıllıq buluı farazlanğan ğıybadätxanä tabıldı. Qazılmalar ütkärelgän töbäkneñ Göbäklitäpädän tağın da borınğıraq tarixqa iyä buluı isäplänelä.
