Törek matbuğatına küzätü 20.10.2021

20nçe oktyabr' könne çıqqan qayber törek gazetlarına küzätü

1722226
Törek matbuğatına küzätü 20.10.2021

“Haber Türk” gazetı: “Törkiyäneñ Könçığış Urta diñgez xaqında belderüe”

Törkiyä tışqı êşlär ministrlığı Greśiya, Misır häm Kön’yaq Kipr grek idaräseneñ öç’yaqlı sammitınnan soñ belderü yasadı. Anda Könçığış Urta diñgezdä Törkiyä häm Tön’yaq Kipr törek cömhüriyäten çitlätep yasalğan teläsä-qaysı omtılışnıñ uñışsız bulaçağı äytelä.

“Hürriyet” gazetı: “Awrupa komissiyäseneñ xisabı – ikele standart”

Törkiyä Awrupa Berlege komissiyäseneñ 2021nçe yıl kiñäytü paketındağı üzenä qağılışlı xisapqa rizasızlıq belderde.  Tışqı êşlär ministrlığınıñ belderüendä bolay diyelä: “Awrupa Berlege belän säyäsi könüzäk barlıqqa kiterergä häm yuğarı däräcäle dialogıbızğa can örergä tırışqan waqıtta, qızğanıçqa, namzät däwlät Törkiyägä qarata cawaplılıqlardan tayçınğan häm ilebez belän mönäsäbätlärdä qabat ikele standartlı poziśiyä kürsätelgän Törkiyä xisabı çıqtı”.

“Star” gazetı: “Dürt liderdan urtaq belderü. Törkiyäneñ köçe qabul itelde”

Törkiyä, Togo, Burkina-Faso häm Liberiya ilbaşlarınıñ oçraşuı näticäsendä yomğaqlaw belderüe çıqtı. Dürt däwlät başlığı Törkiyäneñ Afrika öçen strategik xezmättäş rolen qanunlaştıruçı häm anı xalıqara säxnädä ähämiyätle aktyer xälenä kiterüçe törek iq’tisadınıñ iğ’tibarğa layıq üseşe häm köçen qabul itte.

“Yeni Şafak” gazetı: “TRT World forum global’ problemalarnı dön’yanıñ könüzägenä çığara”

Törkiyä radiotelevideniye kompaniyäse TRT ğomum mödire Mäxmät Zahid Sobacı bıyıl 5nçe tapqır oyıştırıluçı TRT World Forumnıñ açılış çığışında keşene üzäkkä quyuçı alım belän uñaysız geografiyälär, cämğıyät’lär häm şäxeslärneñ awazı bulu öçen tırışlıq quyuların belderde.  

“Vatan” gazetı: “Bayraktar dronnarı – franśuzlarnıñ xıyalı, inglizlärneñ maqsatı”

Franśiyä matbuğatı Bayraktar qorallı keşesez hawa apparatlarına xäyran qaluın yäşerä almadı. “Le Figaro” gazetı Törkiyäneñ Angliyägä dron satu ixtimalınıñ törek saqlanu sänäğate öçen zur alğarış bulaçağın citkerä. “Bu dronnar dön’yadağı suğışlarda xıyallanılğan qoral. Alar Afrika, Yaqın Könçığış häm Urta Aziyada törek yoğıntısınıñ ber vektorına äwerelde” diyelä xäbärdä.



Bäyläneşle xäbärlär