Төрeк мaтбугaтынa күзәтү - Törek matbuğatına küzätü 30.09.2021
30нчы сентябрьдә бaсылып чыккaн кaйбeр төрeк гaзeтлaрынa күзәтү / 30nçı sentyabrdä basılıp çıqqan qayber törek gazetlarına küzätü
“Yäni Şafak” gazetı: “Ärdoğan: “Süriyädä tınıçlıq Törkiyägä häm Rusiyägä bäyle””
İlbaşı Räcäp Tayyip Ärdoğan belän Rusiyä Däwlät başlığı Vladimir Putinnıñ qara-qarşı söyläşüendä kritik mäs’älälär quzğatıldı. Bigräk tä Süriyädä yäşängän täräqqiyätlär söyläşelgän oçraşu aldınnan belderü yasawçı İlbaşı Ärdoğan: “Süriyä belän bäyle bularaq bez bergä yasağan adımnar bik zur ähämiyätkä iyä. Andağı tınıçlıq ta şulay uq Törkiyä belän Rusiyä mönäsäbätlärenä bäyle”, - dip äytte.
“Xäbär Türk” gazetı: “Ärdoğan “N’yu-York Tayms”qa Törkiyäneñ “S-400” alu säbäben añlattı”
Amerikan “New York Times” (NYT) gazetına açıqlawlar yasawçı İlbaşı Ärdoğan Törkiyäneñ Rusiyädän “S-400” hawa saqlanu sistemaların aluınıñ NATO ittifaqına zarar birüe tänqitläwlären kire qaqtı. Ärdoğan: "Amerikalılar Törkiyägä “Patriot” raketa saqlanu sistemasın satqan bulsa ide, bez “S-400”lärne alırğa mäcbür bulmayaçaq idek”, - dip äytte.
“Watan” gazetı: “Törkiyä belän Ukraina arasında tarixi kileşü”
Ukraina saqlanu ministrlığı häm “Baykar” şirkäte arasında Urtaq keşesez hawa transportı xezmät häm mäğarif üzägen tözügä qağılışlı protokol imzalandı. Kileşügä kürä, “Baykar” Vasilkov töbägendä Ukraina ğaskärenä bäyle Keşesez hawa transportı xezmät kürsätü, modernizaśiyäläw häm mağarif üzägen salaçaq. Ukraina qorallı köçläre Törkiyädän 7 danä “TB2” keşesez hawa transportın satıp alğan ide.
“Sabah” gazetı: “Törkiyä yañartıla alınğan ênergiyädä dönyada 12nçe, Awrupada 5nçe urında”
Ênergetika häm tabiğıy çığanaqlar ministrı Fatih Dönmäz Törkiyäneñ xäzerge waqıttağı yañartıla alınğan ênergiyanıñ urnaştırılğan köç-küäte belän dönyada 12nçe, Awrupada 5nçe urında toruın belderde. Dönmäz: “Qoyaş ênergiyası belän cil ênergiyasında da aldınğı häm ürnäk il bulaçağıbızğa ışanabız. Bu ışanuıbıznıñ iñ möhim kürsätkeçe bularaq qoyaş häm cil ênergiyası investiśiyälärebezdä barlıq köçebezne quydıq”, - dip äytte.
“Xörriyät” gazetı: “Franśuz şirkätläreneñ Törkiyädä investiśiyäläre artaçaq”
Franśiya tışqı säwdä häm kapital salu ministrı Franck Riester Törkiyä belän Franśiya arasındağı ike yaqlı säwdäneñ bik möhim däräcädä buluın belderde. Riester: "Uzğan yılda 14 milliard yevrolıq ike yaqlı säwdäne başqardıq. Soñğı aylarda ike yaqlı säwdäneñ tizlänüen küräbez. Bu räweşle bıyıl 16 milliard yevro külämenä ireşüebez mömkin”, - dip äytte.
