Төрeк мaтбугaтынa күзәтү - Törek matbuğatına küzätü 15.09.2021

15нчe сентябрьдә бaсылып чыккaн кaйбeр төрeк гaзeтлaрынa күзәтү / 15nçe sentyabrdä basılıp çıqqan qayber törek gazetlarına küzätü

1706463
Төрeк мaтбугaтынa күзәтү - Törek matbuğatına küzätü 15.09.2021

“Xörriyät” gazetı: “Ärdoğan: “Törkiyä iq’tisadi üseştä kizügä qadärge çornı uzıp kitte””

İlbaşı Räcäp Tayyip Ärdoğan Törkiyäneñ sänäğät citeşterüe, êksport, êş belän täêmin itü häm üseş ölkäsendä tiz üsüe belän yaña tör koronavirus (Kovid-19) kizüenä qadärge çornı uzıp kitüen belderde. Ärdoğan: “Kürsätkeçlär iq’tisadtağı uñay üsüneñ artıp däwam itäçägenä işaräli”, - dip äytte.

“Watan” gazetı: “Ärdoğannıñ AQŞ programması bilgele buldı”

İlbaşı Ärdoğan 19nçı-22nçe sentyabr’ könnärendä Amerika Quşma Ştatlarında bulaçaq. Ärdoğan N’yu-Yorkta Berläşkän Millätlär Oyışması mömbärennän migraśiya, klimat üzgäreşläre häm kizü mäs’älälärendä möhim yullamalar yasayaçaq. Ärdoğan AQŞ İlbaşı Djo Bayden häm İzrail Baş ministrı Naftali Bennett belän dä küreşep söyläşäçäk. Dön’ya liderlarına üze yazğan “Tağın da ğadel ber dönya mömkin” isemle kitabın da täq’dim itüe kötelgän Ärdoğan Törek yortınıñ açılışın yasayaçaq. 

“Yäni Şafak” gazetı: “Öygä qaytu öçen model’ êzlänä”

Süriyäle migrantlardan soñ Äfğanstannan artqan migraśiya basımı xalıqara cämäğätçelekneñ migraśiya problemasına qarata sizgerlegen arttırdı. Bu qısada migrantlarnıñ imin räweştä öylärenä qaytuı öçen diplomatiya tizlätelde. Soñğı ike atnada Berläşkän Millätlär Oyışması belän Awrupadan öç qunaqnı qabul itkän Törkiyä problemağa xalıqara cämäğätçelek belän urtaq çişeleşne kötä. Çişeleş bularaq Süriyäneñ tön’yağında qurqınıçsız koridor belän bergä briket yortlarnıñ kübäytelüe häm lager’ şartlarınıñ yaxşırtıluı östendä torıla.

“Star” gazetı: “Törkiyä belän imzalar salındı: Qatar ğaskäre yaña çorğa kerä”

Yunıs Ämrä isemendäge institut belän Qatar qorallı köçläreneñ Tellär mäktäbe arasında törek tele kursları xezmättäşlek kileşüenä qul quyıldı. Mäs’älä belän bäyle bularaq belderü yasawçı İnstitut mödire Sälçuk Kürşat Koca isä: “Doha Yunıs Ämrä institutı ike dus häm qardäş il bulğan Törkiyä belän Qatar arasındağı ike yaqlı mönäsäbätlärneñ mäğarif häm mädäniyät ölkäsendä üsterelüe maqsatınnan çığıp êşçänlegen alıp bara”, - dip äytte.

“Sabah” gazetı: ““TEKNOFEST”tä rekord qatnaşu”

Törkiyäneñ texnologiyanı êşläp çığarğan cämğiyätkä äylänüen maqsat itep quyğan häm "Milli texnologiya adımı” şiğare belän yulğa çıqqan TEKNOFEST aviaśiya, ğaläm häm texnologiya festivaleneñ dürtençese bıyıl 21nçe-26nçı sentyabr’dä İstanbul Atatörek hawa mäydanında ütkäreläçäk. Uzğan yılda 16 meñ 34 taqım möräcäğät itkän “TEKNOFEST”kä bıyıl 39 meñ 684 törkem belän möräcäğät rekordı quyıldı. Festivaldä êlektrlı maşinalardan keşesez hawa apparatlarına, raketadan üzidaräle sistemalarğa, model’ iyärçennän su astı sistemalarına qadär 35 törle kategoriyädä bäygelär oyıştırıla.



Bäyläneşle xäbärlär