Төрeк мaтбугaтынa күзәтү - Törek matbuğatına küzätü 10.09.2021

10нчы сентябрьдә бaсылып чыккaн кaйбeр төрeк гaзeтлaрынa күзәтү / 10nçı sentyabrdä basılıp çıqqan qayber törek gazetlarına küzätü

1705521
Төрeк мaтбугaтынa күзәтү - Törek matbuğatına küzätü 10.09.2021

“Xörriyät” gazetı: “İlbaşı Ärdoğannan sıyınuçı yullaması”

İlbaşı Räcäp Tayyip Ärdoğan kiçä İzmirdä “Utrawlar diñgeze häm Greśiya belän kürşe bulu mönäsäbätläre problemaları simpoziumı”na videoyullama cibärde. İlbaşı Ärdoğan: "Awrupa belän bergä Könbatış illäre Aylan bäbidän kiräkle sabaqnı almağannar. Törkiyä Süriyägä bäyle tärtipsez migraśiyanı totqarlaw köräşendä berüze qaldırıldı”, - dip äytte.

“Sabah” gazetı: “Milli saqlanu ministrı Hulusi Akardan Greśiyağa Atatörek reakśiyası”

Milli saqlanu ministrı Hulusi Akar kiçä yasağan belderüendä Kipr grek töbägendä Mäğarif ministrlığınıñ ber däreslektän Törkiyä Cömhüriyätenä nigez saluçı Mostafa Kemal Atatörek añlatılğan bitne yırtıp atu boyırığı belän bäyle bularaq: "Bozıq häm doşmança zihenneñ yaña ber misalı. Kisken räweştä kire qağabız, gäyeplibez”, - dip äytte.

“Xäbär Türk” gazetı: “Ministr Fahrettin Kocadan cirle vakśina söyeneçe”

Sälamätlek saqlaw ministrı Fahrettin Koca kiçä yasağan belderüendä cirle vakśina söyeneçen citkerde. Koca: "Cirle vakśinabız “TURKOVAK” aşığıç qullanu raslanuı êtabına kilep citte. Vakśinabız bügen ikençe qorılmada tağın da seriyäle êşläp çığarılaçaq asqormağa ireşte. Raslaw alğan oçraqta üktäbr’ ayında massaküläm citeşterügä küçärbez”, - dip belderde.

“Watan” gazetı: “Dön’yanıñ iñ yaxşı 37 şähäre bilgele buldı! Syurpriz Törkiyä üzençälege”

İstanbul – üzäge Angliyada urnaşqan “Time Out” jurnalınıñ "Dön’yanıñ iñ yaxşı 37 şähäre" isemlegenä kerde. Jurnalnıñ "2021nçe yılda dönyanıñ iñ yaxşı 37 şähäre" isemlegendä San Fransisko berençe urında bulsa, isemlektä Törkiyädän dä İstanbul 36nçı urın aldı.

“Yäni Şafak” gazetı: “İstanbul hawa mäydanı “Dön’yanıñ iñ yaxşı 10 aêroportı isemlegendä ikençe buldı”

İstanbul hawa mäydanı üzäge N’yu-Yorkta urnaşqan dönyaküläm tanılğan “Travel and Leisure” jurnalınıñ “World’s Best Awards 2021” anketasında “Dön’yanıñ iñ yaxşı 10 aêroportı” arasına kerde. İstanbul hawa mäydanı jurnal uquçılarınıñ tawışları belän bilgelängän isemlektä 91.17 bilgese belän ikençe buldı.



Bäyläneşle xäbärlär