Törek matbuğatına küzätü 05.08.2021
5 nçe avgust könne basılıp çıqqan qayber törek gazetlarına küzätü
"Xörriyät” gazetı Törkiyä ilbaşı Räcäp Tayyip Ärdoğannıň turıdan - turı êfirda Tön’yaq Kipr Törek Cömhüriyäte ilbaşı Êrsin Tatarnıň Şveyśariyäneň Jeneva qalasında nıq, qatğıy totış kürsätüen belderüe turında yaza. Anda ilbaşınıň tübändäge süzläre urın ala:”Yullamalarıbıznı tiyeşle keşelärgä citkerde. İke tigez suveren däwlät, monda taşlama yuq. “Bez tağın 50 yıl kötä almıybız” dide. Närsä êşlänergä tiyeş bulsa xäzer êşlänsen. Awrupa Berlege räsmiläre Kön’yaq Kiprga kilgäç nigä Tön’yaq Kiprğa barmıysız. Sezne kem qurqıta?”.
”Star” gazetı citkergänçä, Törkiyä ilbaşı idaräseneň êlemtä bülege başlığı Fäxrettin Altun AQŞnıň qayber äfgannarnıň Törkiyäne dä kertep öçençe illär aşa AQŞqa immigraśiya öçen möräcäğät’ itä aluları turındağı belderüenä “Törkiyä beräwneň dä kötü bülmäse tügel häm bulmayaçaq” digän süzlär belän reakśiya belderde.
“Yaňa Şafak” gazetı “Baykar” texnologiya şirkäte liderı Sälçuk Bayraktarnıň xäzerge waqıtta 4 ilgä êksportlanğan “Bayraktar TB2” keşesez hawa apparatları satu öçen 10 il belän kileşü êtabında buluları turındağı süzlären uquçıları belän urtaqlaşa.
”Sabah” gazetı yazğança, Ukraina däwlät tikşerenü institutı “Bayraktar TB2” keşesez hawa apparatlarınıň êlektron suğış şartlarına çıdamlılığın sınadı häm anıň näticäläre belän urtaqlaştı. “Bayraktar TB2” törle zamanca êlektron suğış kirtäläre täêsirendä sınaldı. Alarnıň bu şartlardağı suğış säläte iskitkeç” diyelä institutnıň räsmi belderüendä.
”Xäbär Törek” gazetı bıyılnıň berençe 7 ayında Törkiyäneň qıymmӓtle asıltaşlar hӓm yuvelir ӓyberlӓr êksportınıň uzğan yılnıň şul uq çorı belän çağıştırğanda 48,5%qa artıp 2 milliard 916 million 544 meň dollarğa citüen xäbär itä. İň küp êksport başqarılğan il - Amerika Quşma Ştatları.
