Törek matbuğatına küzätü 04.08.2021

4 nçe avgust könne basılıp çıqqan qayber törek gazetlarına küzätü

1685256
Törek matbuğatına küzätü 04.08.2021

 

”Vatan“ gazetı Törkiyä ilbaşı Räcäp Tayyip Ärdoğannıň Bolgariya ilbaşı Rumen Radev belän telefonnan söyläşüe turında yaza. Söyläşüdä yanğınnar belän köräştä xezmättäşlek häm ike yaqlı mönäsäbätlärne üsterü turında süz bardı. İlbaşı Ärdoğan urman yanğınnarı belän köraştäge teläktäşlek häm yärdäme öçen Bolgariya ilbaşına räxmät äytte.

”Yaňa Şafak” gazetı yazğança, Amerika Quşma Ştatları däwlät departamentı uzğan kön yasağan belderüendä qaçaqlarnı qabul itü programmasına qağılışlı möräcäğät’lärneň öçençe illärdän qabul iteläçägen belderep Törkiyägä işarät itte. Törkiyä tışqı êşlär ministrlığınıň bu xaqtağı belderüendä tübändäge yullar urın aldı: “Soňğı 7 yılda dönyada iň küp sıyınuçı qabul itkän ilebezneň öçençe il öçen yaňa migraśiya krizisın üz östenä alu mömkinlege yuq. Bez ilebez belän kiňäşläşmiçä qabul itelgän bu cawapsız qararnı qabul itmibez”.

”Xäbär Törek” gazetı Törkiyä ilbaşı idaräse süzçese İbrahim Qalınnıň Rusiyäneň Süriyä bıyınça maxsus wäkile Aleksandr Lavrentyev belän küreşep söyläşüen xäbär itä. Oçraşuda Süriyädäge könüzäk täräqqiyät’lär häm säyäsi barış söyläşelde. Alar şulay uq İdlibtä utnı tuqtatunı saqlap qalunıň möhimlege, totrıqlılıqqa zıyan kiterä torğan provokaśion höcümnärgä röxsät itmäw kiräklege mäs’älälärendä kileşte. “PYD/YPG/PKK”, “DEAŞ” häm başqa  terrorçı törkemnärenä qarşı köräşkä basım yasaldı.

”Sabah” gazetı citkergänçä,  Ğıyraqnıň tön’yağında däwam itkän “Pänçä Şimşek” häm “Pänçä Yıldırım” xäräkäteneň 100 nçe könendä “PKK” separatist terrorçı oyışmasınıň iň möhim noqtası bulğan Avaşinda  tulı kontrol’gä ireşelde. 223 terrorçı, şul isäptän 13e ataman, täêsirsez xälgä kiterelde. Hawa xäräkätlärenda 28 cirastı tunnele qullana almaslıq xälgä kiterelde. 1 meň 537 mina häm quldan yasalğan şartlatqıç yuq itelde.

”Xörriyät” gazetı Malatyanıň Battalgazi rayonında urnaşqan häm Berläşkän Millätlär Oyışmasınıň YUNESKO  mädäni mirasınıň waqıtlıça isemlegendä urın alğan Arslantäpä qalqulığınıň daimi isemlekkä kertelüen uquçıları belän urtaqlaşa. Tarixı bezneň êrağa qadär 5000 nçe yıllarğa barıp totaşqan qalqulıqqa yıl sayın distälägän meň keşe kilä. Älegä qadär ütkärelgän qazularda küp sanda êksponatlar tabıldı. Arslantepe qalqulığı 2014 nçe yılda waqıtılıça isemlekkä kertelgän ide.

 

 



Bäyläneşle xäbärlär