Törek matbuğatına küzätü 29.07.2021

29 nçı iyül' könne basılıp çıqqan qayber törek gazetlarına küzätü

1681906
Törek matbuğatına küzätü 29.07.2021

”Yaňa Şafak” gazetı yazğança,Törkiyä ilbaşı Räcäp Tayyip Ärdoğan Sakariya çığanaq mäydanında gaz yandıru tantanasında çığış yasap tübändägelärne citkerde: “Qara diňgez gazın qullana başlaw belän çit illärgä bäylelek kimiyäçäk. Gaznıň berençe fazasın 2023 nçe yılğa citeşterä alu öçen zur tırışlıq quyabız. Kiläse yılda diňgez töbenä 169 çaqrım torba salaçaqbız. Ul dönyadağı iň ozın tirän diňgez töbe ütkärgeçe bulaçaq”.

 

”Star” gazetı Törkiyä milli saqlanu ministrlığına bäyle ASFAT oyışması citeştergän mexanik mina çistartu cihazlarınıň Azärbaycannan soň xäzer Burkina - Fasoğa cibärelüen xäbär itä. Şulay itep ASFAT Afrikağa berençe saqlanu sänäğäte êksportı başqardı.

 

”Xörriyät” gazetı yazğança, Londonda urnaşqan Êmber töşençä oyışmasınıň ağımdağı yılnıň berençe yartısın üz êçenä alğan Awrupa êlektr küreneşe xisabına qarağanda Törkiyädä êlektr ênergiyäse citeşterüdä cil häm qoyaşnıň öleşe bu däwerdä 12,9%qa qadär kütärelde. Törkiyä cil häm qoyaştan êlektr ênergiyäse citeşterüdä Awrupa illäre arasında 17 nçe urında.

 

”Sabah” gazetı Törek hawa yulları avaiakompaniyäseneň könlek 1323 reys belän Awrupada iň küp oçış başqarğan 2 nçe hawa yulı buluın citkerä. “Pegasus” hawa yulları isä 8 nçe buldı.

 

“Xäbär Törek” gazetı  Antaliyanıň Kaş ilçasendäge Patara antik qalasında däwam itkän qazu êşläre waqıtında 2 meň 300 yıl êlekkegä qarağan balıq skeletları tabıluın uquçıları belän urtaqlaşa.  

 



Bäyläneşle xäbärlär