Törek matbuğatına küzätü 27.07.2021

27 nçe iyül' könne basılıp çıqqan qayber törek gazetlarına küzätü

1680853
Törek matbuğatına küzätü 27.07.2021

Xörriyät” gazetı “Törkiyä yaňa migraśiya dulqını qabul itmäyäçäk” isemle xäbärendä Törkiyä tışqı êşlär ministrlığı süzçese Tanju Bilgiçneň Avstriya kanślerı Sebast’yan Kurznıň Törkiyäneň äfgan qaçaqlar öçen yaraqlı urın buluı turındağı süzlärenä cawabın citkerä. Bilgiç:” Törkiyä töbäktän kilep çıqqan massaküläm migraśiya krizisı näticälären üz östenä almayaçaq häm yaňa küçenü dulqının qabul itmäyäçäk. Avstriya xalıqara burıçları häm Awrupa Berlege qağıydäläre nigezendä äfgan sıyınuçılarğa xalıqara yaqlaw birergä tiyeş”,-dide.

”Sabah” gazetı “Törkiyä Tunis xalqınıň yanında” isemle yazmasında citkergänçä, dönya häm güya demokratiya yaqlı illär Tunistağı demokratiyägä qatışuğa tawış tınsız qalıp tağın ber tapqır ikele standart kürsätte. Törkiyä isä Tunis parlamentınıň wäqalätläre tuňdıruluı turındağı xäbärne işetügä tüntäreleş kereşüen ğayepläde häm Tunis xalqınıň yanında buluın belderde.

”Yaňa Şafak” gazetı  Törkiyä teleradiokompaniyäse TRTneň  “Fätullahçı terror oyışması”nıň qaraňğı yaqların häm 2016 nçı yılnıň 15 nçe iyülendäge xain tüntäreleş kereşüenä kitergän barışnıň belenmägän yaqların aňlatuçı “Mahräm” isemle dokumental’ fil’meneň kürsätelä başlawı turında yaza. Barlığı 10 bülektän torğan dokumental’ fil’m berençe büleklärendä ük qaraw rekordı quydı, Youtube saytındağı videolarnı millionlağan keşe qaradı.

 “Xäbär Törek” gazetı citeşterü, êksport zakazları, êş belän täêmin itü häm daimi kapital salu kebek möhim öleşlärdän torğan real’ sektorğa ışanıç indeksınıň iyül’ ayında 1,8 ballğa artıp 114,8 gä citüen häm 9 yılnıň iň yuğarı däräcäsenä ireşüen uquçıları belän urtaqlaşa.

”Vatan” gazetı İstanbuldağı Sabiha Gökçän xalıqara aêroportınıň yaňa rekord quyuı turında yaza. Älege hawa mäydanı 24 nçe iyül’ şimbä könne  106 meň 463, 25 nçe iyül’ yäkşämbe könne  110 meň 420 yulçığa xezmät kürsätte. Yal könnärendä barlığı 216 meň 883 yulçı belän iň yuğarı köndälek yulçı kürsätkeçenä ireşelde.



Bäyläneşle xäbärlär