Törek matbuğatına küzätü 16.07.2021

“Yeni Şafak” gazetı yazğança Fetullaxçı terror oyışması FETÖ 2016nçı yılnıñ 15nçe iyul’ könne oyıştırğan qanlı tüntäreleş kereşüennäñ soñ 5 yıl uzdı. Ul tönne Törkiyä ilbaşı Räcäp Tayyip Ärdoğannıñ çaqıruı belän mäydannarğa açılğan watandaşlar zur qaharmanlıq dasta yazdı.

Kiçä Törkiyäneñ här poçmağında şähitlär iskä alındı häm tüntäreleşne ciñü qotlandı.

“Xörriyät” basması beldergänçä Törkiyä ilbaşı Räcäp Tayyip Ärdoğan 15nçe iyul’ Demokratiya häm Milli berlek köne uñayınnan xalıqqa möräcäğat’ itep çığış yasadı.

İlbaşı: “Millätebezgä qarşı astırtın niyätläre bulğannağa “barıp çıqmayaçaq” dibez. Kiçä başqara almadılar, bügen başqara almadılar, irtägä dä inşallah başqara almayaçaqlar, böyek häm köçle Törkiyägä kirtä bula almayaçaqlar,” – dide.

“Watan” gazetı citkergänçä Törkiyä ilbaşı Räcäp Tayyip Ärdoğan İlbaşı Rezidenŝiyase qarşında tözelgän, FETÖneñ xain tüntäreleş kereşüe maxsus tawış häm êffektlar belän añlatılaçaq 15nçe iyul’ Demokratiya muzeyın açtı.

Ärdoğan häm xäläl cefete Äminä Ärdoğan muzeyda tüntäreleş kereşüenä qarşı torğan watandaşlarnıñ fotoräsemnären qarağanda küz yäşlären tota almadı.

“Xäbär türk” basması xäbärenä kürä FETÖneñ 2016nçı yılnıñ 15nçe iyul’ könge xain tüntäreleş kereşüendä berlek häm berdämlekneñ simvolı bulğan selalar 81 vilayät’täge 90 meñ cämiğta qabat yañğıradı.

Tüntäreleş kereşüe waqıtında xalıqqa ruxıy köç birgän häm berdäm bulırğa çaqırğan sela tawışı Törkiyä waqıtı belän tönge 12 sägät’ 13 minutta ildäge barlıq mäçetlärdän işetelde.

“Star” gazetı yazğança Amerika Quşma Ştatlarınıñ N’yu-York şähärendäge Tayms mäydanında zur didjital’ êkranda 15nçe iyul’ Demokratiya häm Milli berlek köne qısalarında Fetullaxçı terror oyışması FETÖ kereşkän tüntäreleşkä qarşı törek xalqınıñ köräşen añlatuçı räsemnär urın aldı.

Mäydandağı zur êkranda “Victory of Democracy” yägni “Demokratiya ciñüe” häm “Törkiyäne izä almaslar” süzläre bar ide.