Төрeк мaтбугaтынa күзәтү - Törek matbuğatına küzätü 14.07.2021
14нчe июльдә бaсылып чыккaн кaйбeр төрeк гaзeтлaрынa күзәтү / 14nçe iyüldä basılıp çıqqan qayber törek gazetlarına küzätü
“Sabah” gazetı: "Ärdoğan Qıtay Däwlät başlığı belän söyläşte"
İlbaşı Räcäp Tayyip Ärdoğan kiçä Qıtay Däwlät başlığı Şi Cinping belän telefon söyläşüen ütkärde. Söyläşü waqıtında säwdä, kapital salu, ênergetika, transport häm sälamätlek saqlaw belän bergä Törkiyä-Qıtay mönäsäbätlären üsteräçäk adımnar häm regional’ täräqqiyätlär quzğatıldı. Ärdoğan uyğır törkiläreneñ Qıtaynıñ tigez xoquqlı watandaşları bularaq mullıq, irek häm xozur êçendä yäşäwläreneñ Törkiyä cähätennän möhimlegenä iğ’tibarnı yünältte.
“Xörriyät” gazetı: "Tışqı êşlär ministrlığınnan Greśiyağa Galatasaray reakśiyası"
“Olympiacos” futbol taqımı belän äzerlek matçı öçen Greśiya başqalası Afinağa kitkän “Galatasaray” futbol komandası törkemenä hawa mäydanında kürsätelgän totıştan toyılğan tınıçsızlıq arqasında Greśiyanıñ Änkara ilçese Michael- Christos Diamessis kiçä ministrlıqqa çaqırıldı. Naçar möğamälä belän bäyle bularaq Diamessis'kä köçle räweştä protest citkerelde. Greśiyağa birelgän protest notasında törek futbol komandası oçraşqan wazğiyätneñ qağıydägä sıymawçı, diskriminaśion häm duslıqtan yıraq buluı iskärtelep uzıldı.
“Watan” gazetı: "Ministr Akarnıñ Äfğanstan belderüe"
Milli saqlanu ministrı Hulusi Akar kiçä Äfğanstandağı Hamid Karzai Xalıqara hawa mäydanınıñ iminlege häm êşlätelüe belän bäyle bularaq: "NATOda Törkiyäneñ kereşüläre belän uñay alğarışlar bar. Amerika Quşma Ştatları saqlanu ministrı Lloyd James Austin belän bergä kileşelgän mäs’älälär bar. Maqsatıbız - äfğan qardäşlärebezneñ iminlege, xozurı häm mullığı öçen öleş kertüebezne däwam itterü”, - dip äytte.
“Xäbär Türk” gazetı: "Ministr Varank: May ayı sänäğät citeşterüe indeksı kürsätkeçe yuğarı üseş kötkänebezne tağın da köçäytte"
Sänäğät häm texnologiya ministrı Mostafa Varank kiçä “Twitter” akkauntınnan urtaqlaşqan yazmasında may ayınıñ sänäğät citeşterüe kürsätkeçen bäyäläde. Varank: "Mayda sänäğät citeşterüe indeksı ber yıllıq bazada 40%, ber aylık isä 1,3%qa arttı. Bu kürsätkeç 2021nçe yılnıñ 2nçe çiregendäge yuğarı üseş kötkänebezne tağın da köçäytte”, - dip äytte.
“Star” gazetı: "Greśiya sıyınuçıları Törkiyägä kire êtelä"
Awrupa Berlege êçke êşlär komissarı Ylva Johansson Greśiyanıñ sıyınuçılarnı diñgezdän Törkiyägä taba êtüen äytep, monıñ “töp Awrupa qimmätlären bozu” buluın belderde.
