Төрeк мaтбугaтынa күзәтү - Törek matbuğatına küzätü 13.07.2021

13нчe июльдә бaсылып чыккaн кaйбeр төрeк гaзeтлaрынa күзәтү / 13nçe iyüldä basılıp çıqqan qayber törek gazetlarına küzätü

1674573
Төрeк мaтбугaтынa күзәтү - Törek matbuğatına küzätü 13.07.2021

“Sabah” gazetı: "Ärdoğannan üseş yullaması"

İlbaşı Räcäp Tayyip Ärdoğan Kabinet cıyılışınnan soñ yasağan çığışında: "2021nçe yılda bez ireşäçäk üseş küläme belän dönyanıñ köçäyep baruçı iq’tisadı buluıbıznı isbatlayaçaqbız. Böyek häm köçle Törkiyäneñ tözelüe yulında iq’tisadta da ışanıçlı adımnar belän barabız. Monnan arı Törkiyä säyäsi häm iq’tisadi bularaq dönyanıñ iñ yuğarı ligasına taba adım yasarğa cıyına”, - dip äytte.

 

“Star” gazetı: "Törkiyä regionda köçäyä"

Awrupa Berlege belän Könbatış Balkan häm Törkiyä arasında iq’tisadi häm finans dialog cıyılışında finans säyäsätlärdä köçle xezmättäşlek yullaması citkerelde. Awrupa Berlege Şurası bastırğan yomğaq beldergesendä cıyılışnıñ Könbatış Balkannı häm Törkiyäne Awrupa Berlegenä kiläçäktäge öleşläre öçen äzerläwne maqsat itep aluı iskärtelep uzıldı.

 

“Yäni Şafak” gazetı: "'Saqlanu sänäğäteneñ zur êşlänmäläre” isemlegenä 2 törek şirkäte kerde"

Dön’yanıñ iñ däräcäle saqlanu sänäğäte isemlege bulıp qabul itelgän "Defense News Top 100" isemlegenä bıyıl 2 törek şirkäte kerde. İsemlektä ASELSAN 48nçe, TUSAŞ Törek aviaśiya häm ğaläm sänäğäte akśionerlıq cämğiyäte 68nçe urında. 

 

“Xäbär Türk” gazetı: "Rusiyädän Antaliyağa ike atnada 307 meñ 417 turist kilde"

Dön’yanıñ möhim turizm yünäleşläre arasında bulğan Antaliya yaqınça ike atnada 1095 oçış belän 307 meñ 417 Rusiyä turıstın qabul itte.

 

“Xörriyät” gazetı: "Çit il keşelärenä toraq satuda rekord quyıldı"

Törkiyädä bıyılnıñ berençe yartısında çit il keşelärenä satılğan toraq sanı uzğan yılnıñ şul uq çorına qarağanda 44% artış belän 20 meñ 488gä citkän bulsa, bu miqdar böten waqıtlarnıñ ğinwar-iyün’ aylarınıñ iñ yaxşı kürsätkeçe bularaq terkälde.



Bäyläneşle xäbärlär