Төрeк мaтбугaтынa күзәтү - Törek matbuğatına küzätü 09.07.2021

9нчы июльдә бaсылып чыккaн кaйбeр төрeк гaзeтлaрынa күзәтү / 9nçı iyüldä basılıp çıqqan qayber törek gazetlarına küzätü

1672732
Төрeк мaтбугaтынa күзәтү - Törek matbuğatına küzätü 09.07.2021

“Xäbär Türk” gazetı: "Ärdoğan: “Saqlanu sänäğätendä investiśiyälärebezne däwam itteräçäkbez"”

İlbaşı Räcäp Tayyip Ärdoğan Törkiyäneñ çitkä bäylelegen tulısınça betergänçegä çaqlı saqlanu sänäğätendä kapital saluların däwam itteräçäklären belderde. Uzğan çorlarda çitkä bäylelekneñ bäyäsen tülägän il bulularına basım yasawçı Ärdoğan: “Törkiyä saqlanu sänäğäteneñ citeşterü köçe tağın da artaçaq, inşallah, ilebez maqsatlarına tağın da tizräk ireşäçäk”, - dip äytte.

“Yäni Şafak” gazetı: "Fuat Oktay: “Awrupa Berlege humanitar krizislarda gel tawışsız qaldı"”

İlbaşı urınbasarı Fuat Oktay Awrupa Berlege komissiyası başlığı Ursula von der Leyennıñ: “Awrupa Berlege (Kiprda) ike däwlätle çişeleş yünäleşendä bernärsä dä hiç häm berqayçan da qabul itmäyäçäk”, - digän süzlärenä qarata: “Bez Awrupa Berlegeneñ bügengä qadär xaqsızlıqqa, ğadelsezlekkä, tigezsezlekkä, Urta diñgezdä, Ägäydä yäşängän dramalarğa, humanitar krizislarğa “hiç” dip äytüenä şahit bulmadıq”, - dip belderde.

“Watan” gazetı: "Akıncı TİHA tarixqa kerde, iskitkeç rekord"

Cirle häm milli mömkinleklär belän qamilläşterelgän “Akıncı TİHA” (keşesez hawa höcüm apparatı) tarixi rekord quydı. Ozın oçış häm yuğarı biyeklektä oçu sınap qarawında “Akıncı TİHA” 38.039 feetkä (11 meñ 594 metrğa) kütärelde. Bu räweşle berençe tapqır milli däräcädä qamilläşterelep êşläp çığarılğan hawa apparatı belän kük yözendä şuşındıy biyeklekkä ireşep buldı.

 

“Sabah” gazetı: "Törkiyä OECD illäre arasında kapital saluı belän iñ tiz üskän illärdän"

Kazna häm finans ministrı Lütfi Älvan üzäge Londonda urnaşqan Törek-ingliz säwdä häm sänäğät palatası başlığı Alderman Emma Edhemneñ räislegendä oyıştırılğan cıyılışta video konferenśiya ısulı belän qatnaştı. Älvan: “İq’tisadi küreneş, reforma programmabız häm ilebezdäge kapital salu forsatları turında kiñäşläştek. Törkiyä OECD illäre arasında investiśiyälär belän iñ tiz üseş alğan illärdän berse”, - dip äytte.

“Star” gazetı: "Törkiyä – kizüdän äwwälge çorlarğa tağın da tizräk äylänep qaytaçaq dürt il arasında"

Amerika Quşma Ştatlarınıñ “JPM” bankı äzerlägän xisapta yaña tör koronavirus (Kovid-19) kizüennän êlekkege xäräkätlelek däräcäsenä iñ tiz räweştä barıp citäçäk üsep kilüçe illär açıqlandı.  Xisapta kizüdän äwwälge xäräkätlelek däräcäsenä iñ tiz barıp citäçäk illär arasında Törkiyä, Singapur, Hindstan häm Braziliyanıñ buluı belderelde.



Bäyläneşle xäbärlär