Төрeк мaтбугaтынa күзәтү - Törek matbuğatına küzätü 08.07.2021
8нчe июльдә бaсылып чыккaн кaйбeр төрeк гaзeтлaрынa күзәтү / 8nçe iyüldä basılıp çıqqan qayber törek gazetlarına küzätü
“Xäbär Türk” gazetı: "Ärdoğan: “Dön’yada berkem dä êşli almağannı bez tormışqa aşırdıq"
İlbaşı Räcäp Tayyip Ärdoğan: “Kümäk toraq idaräse” (TOKİ) aradaşçılığı belän dönyada berkem dä êşli almağannı bez tormışqa aşırdıq. Yaqınça 200 milliard liralıq kapital salu belän här qatlamnan keşelärebezne öy xucası yasadıq”, - dip äytte. 100 meñ sośial’ toraq kampaniyasın başlatuların belderüçe Ärdoğan: “12 meñ sośial’ toraqnıñ tözeleşen tämamladıq. Xäzerge waqıtta 76 meñ sośial’ toraqnıñ tözeleşen däwam itäbez”, - dip belderde.
“Yäni Şafak” gazetı: "“Turkovak” massaküläm citeşterügä äzer"
Koronavirusqa qarşı qamilläşterelgän cirle vakśina “Turkovak”nıñ Faza-3 êşçänlege 500 keşelek törkem belän böten tizlege belän alıp barıla. Törkiyä sälamätlek saqlaw institutları räislege (TÜSEB) başlığı professor Ärhan Akdoğan ışanıçlığı häm êffektivlığı isbatlanğan “Turkovak” öçen: “İğ’tibarıbız Faza-3tän kiläçäk söyeneçle xäbärdä. Betkän oçraqta böten asqormabız äzer. Vakśina êşxanälärennän citeşterü köçe yuğarı bulğanı cirle vakśinanıñ citeşterüenä başlayaçaq”, - dip äytte.
“Star” gazetı: "Tön’yaq Kipr Törek Cömhüriyäte: “Törkiyä belän bergä xäräkät itü köçebezne arttıra”"
Tön’yaq Kipr Törek Cömhüriyäte Baş ministrı Ärsan Saner: “Tön’yaq Kipr Törek Cömhüriyäte bularaq Törkiyä belän bergä xäräkät itkän çaqta bu geografiyada bez yasıy almayaçaq ber närsäneñ dä bulmawına ışanabız. Zäñgär watan belän bergä törek milläteneñ xaq-xoquqların häm mänfäğätlären saqlaw - Tön’yaq Kipr Törek Cömhüriyäte xökümäteneñ dä iñ möhim wazıyfaları arasında. Ana watan Törkiyä belän bergä xäräkät itü köçebezgä köç östi”, - dip belderde.
“Sabah” gazetı: "Ruslar turizmğa säwdäne dä östäde"
Rusiyä belän turizm iniśiativaları êksportnı da köçäytä başladı. Soñğı ber ayda meñnärçä rus êşmäkäre Antaliyadağı yärminkälärdä qatnaşa. Bıyılğı kötelgännär - 50 meñ Rusiyäle êşmäkärneñ häm yal itü häm säwdä öçen Törkiyägä kilüe.
“Watan” gazetı: "Cirle avtomobil’ alman matbuğatında! “Avtomobil’ däwlärenä köndäş”
Germaniyanıñ “ZDF” televideniye kanalı “Törkiyäneñ avtomobile “Tesla” häm “Volkswagen”ğa köndäşme?” isemle xäbärendä Törkiyäneñ köçen berläşterep köçle räweştä maqatına baruına iğ’tibarnı yünältep, Törkiyädä êşläp çığarıluçı êlektrlı SUV modeleneñ kiläse yıl axırında bazarğa täq’dim iteläçägen citkerde.
