Төрeк мaтбугaтынa күзәтү - Törek matbuğatına küzätü 01.07.2021

1нче июльдә бaсылып чыккaн кaйбeр төрeк гaзeтлaрынa күзәтү / 1nçe iyüldä basılıp çıqqan qayber törek gazetlarına küzätü

1668125
Төрeк мaтбугaтынa күзәтү - Törek matbuğatına küzätü 01.07.2021

“Watan” gazetı: “Ğadäti tormışqa qaytuda yaña çor başlandı”

Yaña tör koronavirus (Kovid-19) belän köräş qısalarında ğamälgä kergän çikläwlär beterelde. Düşämbe belän şimbä könnäre aralığındağı Törkiyä waqıtı belän kiçke unnan irtänge bişkä qadär bulğan häm böten yäkşämbe kön bulğan kommendat säğäte belän şähärlär arasındağı säyäxät çikläwläre beterelde. Êş urınnarı bilgelängän açılış-yabılu säğätläre qısalarında êşli başladı. Niqax häm tuy mäcleslärendä qatnaşuçı sanında çikläwlär bulmayaçaq.

“Yäni Şafak” gazetı: ““Kanal İstanbul”ğa zur iğ’tibar bar”

Tışqı êşlär ministrı Mäwlüt Çavuşoğlu belän Rusiyä wazıyfadaşı Sergey Lavrov Antaliyada oçraştı. Çavuşoğlu urtaq matbuğat cıyılışında (1936nçı yılda imzalanğan Montryo (Buğazlar kileşüe) häm Kanal İstanbul belän bäyle sorawğa: “Kanal İstanbul öçen anıq adımnar yasıy başladıq. Xalıqara şirkätlärdän dä iğ’tibar bar. Montryoda üzgäreş bulmayaçaq”, - dip cawap birde.

“Star” gazetı: “NATO xärbi künegülärendä Törkiyäneñ keşesez qorallı hawa apparatları üz êzen qaldırdı”

Ukraina belän Amerika Quşma Ştatlarınıñ Qara diñgezdä bergä oyıştırğan “Sea Breeze-2021” xärbi künegüläre uza. Zur xärbi künegülärdä Törkiyäneñ “Bayraktar TB2” keşesez qorallı hawa apparatları da qatnaştı. Törkiyä apparatları berençe tapqır NATO künegülärendä qullanıldı. "Sea Breeze-2021" Ukraina-AQŞ urtaq xärbi künegüläre 28nçe iyün’dä başlağan ide. Xärbi künegülärdä NATO äğ’zase 30dan kübräk il qatnaşa.

 

“Xäbär Türk” gazetı: “İyün’ ayınıñ tışqı säwdä kürsätkeçlärendä rekord êksport sannarı kötelä”

Säwdä ministrı Mäxmät Muş comğa könne açıqlanaçaq iyün’ ayınıñ tışqı säwdä kürsätkeçlärendä rekord êksport sannarın kötülären belderde. Muş: “2021nçe yıl axırında êksportıbıznı Urta möddätle programmanıñ 2022nçe yıl maqsatı bulğan 198 milliard dollarğa citkerep, 200 milliard dollardan kübräk bulaçağına ışanam”, - dip äytte.

“Xörriyät” gazetı: “A basketbol cıyılma taqımı yarım finaldä”

Törkiyä A irlär basketbol cıyılma komandası FIBA Olimpiada saylap alularınıñ Kanadada oyıştırılğan turnirınıñ B törkemendä ikençe matçında Çexiyanı 87-70 isäbe belän ciñde. Bu näticä belän 2dä 2 yasağan Törkiyä törkemen lider bulıp tämamladı häm yarım finalgä uzdı.



Bäyläneşle xäbärlär