Төрeк мaтбугaтынa күзәтү - Törek matbuğatına küzätü 14.06.2021
14нче июньдә бaсылып чыккaн кaйбeр төрeк гaзeтлaрынa күзәтү / 14nçe iyündä basılıp çıqqan qayber törek gazetlarına küzätü
“Yäni Şafak” gazetı: "Ärdoğan: “PKK/YPG”dän xastaxanägä höcümneñ xisabın sorayaçaqbız”"
İlbaşı Räcäp Tayyip Ärdoğan NATO sammitı öçen Bel’giya başqalası Bryussel’gä säyäxäte aldınnan oyıştırğan matbuğat oçraşuında “PKK/YPG” terror oyışmasınıñ Afrinda xastaxanägä yasağan höcüme belän bäyle bularaq: "Terror höcüme “PKK/YPG”neñ nindi xıyanätçe häm växşi oyışma buluın kürsätte. İlebezdä gäyepsez keşelärne, Süriyädä tınıç xalıqnı, Ğıyraqta körd qardäşlärebezne ütergän bu qabaxätlärdän qoyğan här tamçı qannıñ xisabın sorayaçaqbız”, - dip äytte.
“Xörriyät” gazetı: "Törek qorallı köçlärennän Tel Rıfatta terror oyışmasına awır orım"
“PKK/YPG”neñ Afrindäge xastaxanägä oyıştırğan höcümnän soñ törek xärbiläre Tel Rıfatta terrorçılarnıñ urınnarın ut astına aldı. Yasalğan "cäzalandıru" atışları näticäsendä terrorçılarnıñ 3 güyä ştab binası belän ber sıynır urın häm qorılma yuq itelde, küp sanda terrorçı täêsirsez xälgä kiterelde.
“Sabah” gazetı: "Akardan Liviya yullaması: “Monı dönyanıñ onıtmawı kiräk”"
Milli saqlanu ministrı Hulusi Akar Liviya säfäre waqıtında: “(Tüntäreleşçe Hafter) Liviya xärbi mäktäp uquçıların üterdelär, yözlärçä keşene kümäk käberlärgä cirlädelär. Ul keşelärneñ ğailäläre zur awırlıq êçendä. Monı dönyanıñ onıtmawı kiräk”, - dip äytte.
“Star” gazetı: "Törkiyäneñ keşesez qorallı hawa apparatlarına qarşı bik şansıbız bulmas ide"
Germaniya armiyasınıñ Tawlı Qarabaxta Azärbaycanğa qarşı suğışu ixtimalın bäyäläwçe Alman saqlanu häm strategik tikşerenülär institutında podpolkovnik Mixael Karl: "Törkiyäneñ keşesez qorallı hawa apparatlarına qarşı mömkinlegebez bik bulmas ide”, - dip äytte.
“Xäbärtürk” gazetı: "Mebel’, käğäz häm urman êşlänmäläre tarmağınıñ êksportı 28%qa arttı"
Törkiyäneñ mebel’, käğäz (käğaz’) häm urman êşlänmäläre êksportı bıyıl berençe 5 ayda 2020nçe yılnıñ şuşı uq çorına qarağanda 28%qa artıp 2 milliard 600 million dollarğa citkän bulsa, bu miqdarnıñ 1 milliard 600 million dolların mebel’ täşkil itte. İñ küp mebel’ êksportı yasalğan 5 il Germaniya, Amerika Quşma Ştatları, Franśiya, İzrail häm Ğıyraq buldı.
